BARNABA AOMBA MASHABIKI WAJIANDAE

Na Elizabeth John

MKALI wa muziki wa kizazi kipya nchini, Barnaba Elias ‘Barnaba’ amewataka mashabiki wake na wapenzi wa muziki wa bongo fleva wakae mkao wa kula kwaajili ya kibao chake kipya ambacho bado hajakipatia jina.

Akizungumzia kazi hiyo jijini Dar es Salaam, Barnaba alisema yupo katika hatua za mwisho za uandaaji wa kibao hicho ambacho anaamini kitakua gumzo kwa wapenzi wa kazi zake.

Alisema anamshukuru mungu kazi zake zinafanya vizuri katika tasnia ya muziki wa kizazi kipya  na anawaomba wasanii wenzie wafanye kazi ambazo zinaelimisha jamii.

“Unajua msanii ni kioo cha jamii, hivyo tunatakiwa kufanya mambo ambayo yanaeleweka na kuelimisha jamii, naomba wapenzi wangu make mkao wa kula,” alisema Barnaba.

Barnaba alishawahi kutamba na vibao vyake kama, Nabembelezwa, Wrong Number, Magumegume na nyinginezo ambazo zinafanya vizuri katika tasnia ya muziki wa bongo fleva.