BENDI YA AFRICAN STARS ILIVYOFANYA VITU VYAKE USIKU WA KUAMKIA LEO MANGO GARDEN

Viamwana wa bendi ya African Stars Twanga Pepeta wakionyesha umahiri wao wa kunengua  katika onyesho lao la  sikukuu ya Eid El Fitri liliofanyika ndani ya  Mango Garden Kinondoni jijini Dar es salaam usiku wa kuamkia leo huku mashabiki wa bendi hiyo wakijumuka kwa pamoja katika kusherehekea sikukuu hiyo inayosherehekewa na waislamu kote duniani, Burudani ilikuwa ni kali na ya kufurahisha mkutokana na uwezo mkubwa wa wanamuziki wa bendi hiyo huku wakipewa sapoti na mashabiki wao waliokuwa wamefurika ukumbini hapo, Mpiganaji wa Fullshangweblog.com Bw. Philemon Solomon alikuwepo ukumbini hapo ili kushuhudia yaliyojiri na hizi ndiyo Taswira alizotuletea kutoka ukumbini hapo endelea kupata burudani mdau

Mwimbaji na Kiongozi wa bendi hiyo Luiza Mbutu wa pili kutoka kulia akiimba  pamoja na  waimbaji wa bendi hiyo wa bendi hiyo wakati ilipokuwa ikitumbuiza katika onyesho lake la Sikukuu ya Eid El Fitri kwenye ukumbi wa Mango Garden Kinondoni usiku wa kuamkia leo.

Wanenguaji wa kiume wa bendi hiyo wakishirikiana na mwanamuziki Luiza Mbutu wakionyesha jinsi ya kupinda mgongo katika onyesho hilo.

Mmoja wa wanengaaji matata wa bendi hiyo akiwaonyesha mashabiki jinsi ya kusugua kisigino.

Mashabiki wa bendi hiyo wakijimwaga stejini wakati bendi hiyo ikifanya vitu vyake kwenye ukumbi wa Mango Garden usiku wa kuamkia leo

Mastaili ya bendi hiyo yakionyesha mbele ya mashabiki wa muziki