Makamu wa Pili wa Rais wa Zanzibar Balozi Seif Ali Iddi Akishiriki Kwenye Sherehe Za Siku ya Wafanyakazi Duniani{ Mei Mosi }Zilizofanyika Katika Uwanja wa Gombani Chake chake Pemba

 Khamis Ngwali mfanyakazi wa Kampuni ya Simu Tanzania TTCL akipokea zawadi na cheti baada ya kuwa miongoni mwa wafanyakazi bora mwaka huu katika Kampuni hiyo  Makamu wa Pili wa Rais wa Zanzibar Balozi Seif Ali Iddi akiwapungia mkono walishiriki wa maandamano mara baada ya sherehe za siku ya wafanyakazi dunia hapo Uwanja wa Gombani Kisiwani Pemba. Kulia ya Makamu ni Waziri Ofisi ya Makamu wa Pili wa Rais wa Zanzibar Mh. Mohd Aboud Mohd na Kushoto ni Mkuu wa Mkoa wa Kaskazini Pemba Mh. Dadi Faki Dadi.

 Mfanyakazi wa Wizara ya Afya kitengo cha Damu Salama Kisiwani Pemba Bibi Sharifa Halifa akipokea cheti na fedha taslim akiwa miongoni mwa wafanyakazi bora mwaka huu kutoka kwa Makamu wa Pili wa Rais wa Zanzibar Balozi Seif Ali Iddi.

  Miongoni mwa Wafanyakazi wa Taasisi mbali mbali Kisiwani Pemba wakiandamana kusherehekea siku ya Wafanyakazi Duniani zilizofanyika katika uwanja wa Gombani Kisiwani Pemba.

---

Serikali ya Mapinduzi ya Zanzibar itaendelea kuimarisha Mazingira mazuri ya Wafanyakazi hapa Nchini ambayo ndio yatakayotoa tija zaidi katika sehemu mbali mbali za Kazi. 

 Akizungumza katika kilele cha maadhimisho ya sherehe za siku ya Wafanyakazi Duniani { Mei Mosi } zilizofanyika katika uwanja wa Gombani Chake chake Pemba Makamu wa Pili wa Rais wa Zanzibar Balozi Seif Ali Iddi alisema Seikali imesikia kilio cha Wafanyakazi na kwa kuwa sikivu itajitahidi kuyafanyia kazi yale yanayowezekana katika kipindi hichi. 

 Alisema hatua ya kupandishwa kwa kima cha chini cha mashahara hivi karibuni ni mwanzo wa hatua nzuri ya kuendelea kujenga mazingira hayo bora ya Wafanyakazi. Balozi Seif alifahamisha kwamba mfumko wa bei, kodi kubwa na mishahara duni ni pigo kwa wafanyakazi ambao ndio ujumbe wa mwaka huu utazingatiwa na malengo ya Serikali ya kukubaliana na kiwango cha Mishahara cha shilingi 350,000/- yatafikiwa hatua kwa hatua kulingana na hali ya Uchumi itakavyoruhusu.

 “ Serikali itakuwa inajidanganya kwa kupuuza kwa kilio cha wafanyakazi kwani nyinyi ndio wajenga Uchumi imara wa Nchi yetu. Msipotunzwa vizuri na waajiri suala la kujenga uchumi imara litabakia kuwa ndoto” Alifafanua Balozi Seif.

 Akizungumzia suala la Elimu Makamu wa Pili wa Rais wa Zanzibar Balozi Seif Ali Iddi aliwataka Wafanyakazi kuvitumia Vyuo Vikuu vya hapa Nchini kukuza viwango vyao vya Elimu kwa lengo la kukabiliana na Ushindani wa ajira. 

 Alisema hivi sasa kumekuwa na shindani mkubwa katika soko la ajira ndani ya Jumuiya ya Afrika Mashariki ambapoTanzania ni Miongoni mwa Mwanachama. “ Ushindani huu utakuwa mwepesi kwetu kama tutajielimisha kwa bidii. Tusipofanya hivyo tutaachwa nyuma na hapo hatutakuwa na mtu wa kumlaumu”. Alisisitiza Balozi Seif. 

 Alisema Suala la Elimu kwa mfanyakazi ye yote hapa Zanzibar ni la lazima kwa lengo la kuliwezesha Taifa kufikia katika maendeleo ya haraka. 

 Aliwasihi Waajiri wote kufuata taratibu za kumuhakikishia mfanyakazi usalama wake mahala pke paa kazi. Balozi Seif alisema iwapo waajiri watatumia vyema taratibu hizo zinaweza kusaidia kupunguza gharama za matibabu, fidia, uharibifu wa mali na kupote kwa muda wa uzalishaji. 

 Katika risala yao Wafanyakazi hao iliyosomwa na Nd. Omar Issa Omar walisema pamoja na juhudi kubwa zinazoendelea kuchukuliwa na Serikali za kuboresha maisha ya wafanyakazi lakini bado hali ni tete ya maisha ya Wafanyakazi wa Zanzibar ambayo bado ni ya kubahatisha. 

 Waliiomba Serikali kuutumia utatu uliopo wa shirikisho la Wafanyakazi, Waajiri pamoja na Serkali kuu kushirikiana katika kutatua matatizo yanayowakabili Wafanyakazi. “ Mshahara uliopo hivi sasa unakidhi pekee mahitaji ya kununua ule mchele maarufu uliozoeleka kwa jina la mapembe”. 

Alisema Ndugu Omar Issa Omar. Wakizungumzia kilio chao cha kutoelewa hatma ya Msingi wa Jengo lao pamoja na Matofali walieleza nyoyo za Wafanyakazi zitashindwa kustahamili iwapo sulala la jengo la Afisi ya wafanyakazi hao Kisiwani Pemba halitafikiwa. 

  Na

Othman Khamis Ame 

Ofisi ya Makamu wa Pili wa Rais wa Zanzibar 

1/5/2012.