SIMBA SPORT CLUB YA TANZANIA KUJA NA TV YAKE

KLABU ya soka ya Simba inatarajiwa kuzindua Simba Tv siku ya Ijumaa katika hoteli ya JB Belmont iliyopo katika jengo la Benjamin Mkapa, katikati ya jiji la Dar es Salaam. Msemaji wa Simba Ezeckiel Kamwaga amesema leo kwamba, Simba Tv itakuwa ikirushwa katika kituo cha Televisheni cha Clouds Fm ambapo itakuwa ikizungumzia masuala mbalimbali yahusuyo klabu hiyo. Alisema uzinduzi huo utakaokuwa kwa wageni waalikwa tu huku kwa wengine watakaotaka kuhudhuria watapaswa kulipa shilingi 70,000 kwa kila mtu, utaambatana na burudani mbalimbali sambamba kuonyeshwa historia ya Simba.