PRECISION AIR YADHAMINI SHOW YA ALI KIBA NCHINI COMORO

. Mwanamuziki wa BongoFleva Ali Kiba akiwasili katika uwanja  wa michezo wa jijini Moroni kwa ajili ya show ya mwaka mpya hivi karibuni

Ali Kiba (kushoto) akiwa na backup singer wake Abdul Kiba wakitumbuiza umati wa washabiki wakikomoro waliojitokeza kuja kumwona mtunzi wa ‘Dushelele’ uwanjani hapo.

 Precision Air ndio waliokuwa wanadhamini wakuu wa show hiyo iliyoandaliwa na mapromota wa East Africa Tour wa jijini Comoros.

Precision Air – Shirika la ndege linaongoza nchini hivi karibuni ilidhamini show ya nguvu ya mwanamuziki Ali Kiba iliyofana jijini Moroni, Comoros.

Akiwa jijni Moroni, Afisa Mawasiliano wa kampuni hiyo Bw. Amani Nkurlu alisema kwamba sababu ya kudhamini show hiyo ni kuwakumbusha soko la Comoros kwamba shirika la ndege hiyo ipo pamoja nao si tu kibiashara bali hata katika mambo ya kijamii, ikiwa na kupokea mwaka mpya kwa furaha na shangwe.  “Pamoja na hayo, kudhamini show hii ni kama njia moja yapo pia ya kukuza muziki wakitanzania na kuwatangaza wanamuziki wetu nje ya nchi,” alisema Nkurlu.

Kwa upande wake, mwanamuziki wa kizazi kipya Ali Kiba alielezea kwamba show ya Comoros imeweza kwenda vizuri sana na kwamba washabiki wa huko wameweza kuonyesha mapenzi ya dhati kwa muziki wa kitanzia.

“Comoros ni nchi wanaotumia lugha ya kifaransa na kingazidja kwa wingi, ni wachache tu wanaoweza kuzungumza Kiswahili kwa ufasaha. Lakini cha ajabu ni kwamba umati huu umeweza kuimba mstari baada ya mstari wa nyimbo zangu karibia zote,” alisema Kiba baada ya show.

 Aliongeza, “Hili ni jambo la kutia moyo sana, na ninawashukuru washabiki wangu wa Comoros kwa hili, waandaaji na kampuni ya Precision Air kwa yote.” 

Show hiyo iliyohudhuriwa na watu zaidi ya elfu 3 iliandaliwa na mapromota wa East Africa Tour kutokea jijini Moroni, Comoros. Hahaya - Moroni ni moja ya sehemu 15 ambazo Precision Air iendapo ukiondoa Dar es Salaam, Kilimanjaro, Kigoma, Musoma,  Mtwara, Mwanza, Tabora, Shinyanga, Bukoba,  Zanzibar,  Entebbe, Nairobi, Johannesburg, Mombasa.