PRECISION AIR YADHAMINI MASHINDANO YA GOFU JIJINI ARUSHA

Arusha, Desemba 11, 2011. Mashindano ya gofu ya kitaifa yaliodhaminiwa na Precision Air ikishirikiana na Kenya Airways yanaendelea vyema katika viwanja vya Gym Khana jijini Arusha.

Akizungumza na waandishi wa habari Afisa Mawasiliano wa Precisoin Air Amani Nkurlu alisema mashindano hayo yanayojulikana kwa jina la ‘Chairman’s Trophy’ yameanza tokea jana na yameweza kukusanya wachezaji 78 kutokea vilabu vya gofu tofauti tofauti nchini yakiwemo Dar es Salaam, Arusha, Morogoro, Moshi na kadhalika.

“Tumewahi kudhamini mashindano haya kwa mara kadhaa sasa, na tunapenda kuwahakikishia wachezaji na washabiki wa gofu kwamba tutaendelea na moyo huu huu wa kuweka jitihada katika kukuza mchezo huu nchini,” Nkurlu alisema.

Kwa upande wake Kaimu Mkurugenzi wa Biashara wa Precision Air Patrick Ndekana amesema kwamba shirika hilo limeamua kudhamini mashindano hayo ili kukuuza mchezo huo nchini Tanzania na kwa lengo la kuvutia vijana na wachezaji chipukizi katika mchezo huo.

“Kuna dhana potofu kwamba mchezo wa gofu ni kwa ajili ya matajiri na wazee tu, lakini kwa kupitia mashindano haya tunapenda kuwaelimisha jamii kwamba hata vijana wanaweza kushiriki ma kuchipukia katika mchezo huu.”

Naye Mwenyekiti wa Umoja wa Gofu nchini Bw. Paul Matthysen amesema kwamba mashindano hayo yanaisha jioni ya leo huku wakitegemea washindi katika ngazi ya ‘1^st winner, Longest pin na Nearest pin’ kwa pande zote za wanawake na wanaume.Mashindano haya ya gofu yameandaliwa na Umoja wa Gofu nchini inayojulikana kama Tanzania Golf Union (TGU) na yamewezeshwa kupitia makampuni maarufu ya ndege nchini na Afrika, Precision Air na Kenya Airways.