RAISI KIKWETE AKUTANA NA VIONGOZI WA CHADEMA HAPO JANA

Rais wa Jamhuri ya Muungano wa Tanzania, Mheshimiwa Jakaya Mrisho Kikwete na ujumbe wa Serikali yake leo, Jumapili, Novemba 27, 2011, amekutana na kufanya mazungumzo na ujumbe wa Chama cha Demokrasia na Maendeleo (CHADEMA). 

Katika mazungumzo hayo yaliyofanyika Ikulu, Dar Es Salaam, yamefanyika katika mazingira ya urafiki na ujumbe wa CHADEMA umewasilisha mapendekezo yake kuhusu mchakato wa kuandika Katiba Mpya ya Tanzania. Serikali imepokea mapendekezo hayo. 

Hata hivyo, pande zote mbili zimekubaliana kukutana tena asubuhi ya kesho, Jumatatu, Novemba 28, 2011, ili kuipa nafasi Serikali iweze kutafakari mapendekezo hayo. 

Lakini pande hizo mbili zimekubaliana kuwa Katiba ya sasa ni Katiba nzuri iliyolilea Taifa kwa miaka 50 iliyopita kwa sababu ni Katiba ya sasa iliyoliwezesha Taifa la Tanzania kuwa na amani,  utulivu na kupata maendeleo makubwa ambayo nchi yetu imepata mpaka sasa. 

Pia pande zote mbili zimekubaliana kuhusu umuhimu wa kutunga Katibu Mpya kama Mheshimiwa Rais Kikwete alivyoliahidi taifa wakati wa salamu zake za mwaka mpya Desemba 31, mwaka jana, 2010, Katiba ambayo italiongoza Taifa la Tanzania kwa miaka mingine 50 ijayo. 

Katika mazungumzo hayo, Mheshimiwa Rais aliwahakikishia wajumbe hao wa CHADEMA wakiongozwa na Mwenyekiti wa chama hicho, Mheshimiwa Freeman Mbowe kuwa ni dhamira yake na ya Serikali yake kuhakikisha kuwa Tanzania inapata Katiba mpya. 

Katika mkutano huo, pande zote mbili zimekubaliana kuwa ni jambo muhimu sana kwa mchakato mzima wa kutungwa kwa Katiba Mpya kuendeshwa kwa namna ya kulinda na kudumisha tunu za taifa za amani, utulivu na umoja wa kitaifa. 

Aidha, pande zote mbili zimekubaliana kuwa mchakato huo uendeshwe kwa kuzingatia misingi ya mambo mengine muhimu kwa taifa la Tanzania kama vile kujiepusha na vitendo vya uvunjifu wa amani, kuligawa Taifa kwa misingi ya udini na ukabila ama kutugawa kwa misingi ya maeneo.   

       IMETOLEWA NA:

       KURUGENZI YA MAWASILIANO YA RAIS IKULU

      NOVEMBA 27, 2011

      DAR ES SALAAM

Rais Jakaya Mrisho Kikwete akigana na  Mwenyekiti wa CHADEMA Mh. Freeman Mbowe

Rais Jakaya Mrisho Kikwete akigana na  Mheshimiwa John Mnyika Mbunge Jimbo la Ubungo CHADEMA

Rais Jakaya Mrisho Kikwete akigana na  Mheshimiwa Arfi Mbunge wa CHADEMA

Rais Jakaya Mrisho Kikwete akiagana na  Kiongozi wa CHADEMA

 

Rais Jakaya Mrisho Kikwete akisikiliza maelezo toka kwa Mwenyekiti wa CHADEMA Mh. Freeman Mbowe baada ya kupokea  mapendekezo ya chama hicho juu ya kuundwa katiba mpya yatayozungumzwa kwenye mkutano huo wa kihistoria uliofanyika jana Ikulu jijini Dar es salaam

Rais Jakaya Kikwete Akifurahi jambo na Viongozi wa Chadema wakiongo Wa Chadema

Rais Jakaya Mrisho Kikwete akiongea na uongozi wa CHADEMA katika mkutano huo wa kihistoria

Mh. Tundu Lissu akikoroga chai baada ya mkutano huku Profesa Baregu naye akijiandaa kujisevia

Rais Jakaya Kikwete akiongea na wageni wake

Rais Jakaya Kikwete akimpa juisi Mwenyekiti wa CHADEMA Mh Freeman Mbowe baada ya mkutano

 Rais Jakaya Mrisho Kikwete  akiendelea kupata Vinywaji na Viongizi Waandamizi wa CHADEMA

 Mh Tundu Lissu akiondola Ikulu taratibu baada ya mkutano huku gari iliyombeba mwenyekiti wa CHADEMA ikiondoka pia jana

Rais Jakaya Mrisho Kikwete akigana na Profesa Mwesiga Baregu CHADEMA

Rais Jakaya Mrisho Kikwete akigana na  Mheshimiwa Tundu Lissu Mbunge  Jimbo la Singida Mashariki CHADEMA

Rais Jakaya Mrisho Kikwete akigana na Profesa Abdallah Safari CHADEMA

Kwa Kuona Picha Zaidi <<< BOFYA HAPA >>>

Picha Zote na IKULU