Rais Jakaya Kikwete atembelea Kitengo Cha Magonjwa Magonjwa Ya Figo Hospitali Ya Taifa Ya Muhimbili Jijini Dar es Salaam

Rais Jakaya Kikwete akimsalimu na kumpa pole mtoto Ali Abdul (13) kutoka Rufiji, mkoa wa Pwani, aliyetoka kufanyiwa upasuaji wa kuzibua mishipa ya damu iliyozibwa na madaktari bingwa toka India amabo wako nchini kusaidia kazi katika kitengo cha tiba ya figo katka Hospitali ya Taifa ya Muhimbili jijini Dar es salaam. Kitengo hicho kimeundwa mahususi kusaidia watu wa matabaka yote kupat matibabu ya figo ikiwa ni moja ya jitihada za serikali kusaidia wananchi wake kupata matibabu hayo hapa hapa nchini na kwa gharama nafuu. Rais Kikwete ameonesha kufurahishwa na kuridhishwa na maendeleo ya kitengo hicho ambacho muda si mrefu ujao kitakuwa na uwezo wa kutibu wagonjwa wengi zaidi

Rais Jakaya Kikwete akiongea na madaktari bingwa toka India wanaosaidia kazi katika kitengo hicho. Madaktari hao, ambao 16 wanatoka katika hospitali ya Apollo na wanne toka hospitali ya Madras Mission, wako nchini kwa ziara ya kikazi ya wiki moja na tayari wamefanya upasuaji wenye mafanikio wa wagonjwa sita wa figo

Rais Jakaya Kikwete akiongea na madaktari bingwa wa kutoka India walio nchini kwa ziara ya kikazi ya wiki moja katika kitengo cha tiba ya figo Hospitali ya Taifa ya Muhimbili jijini Dar es salaam Jumamosi jioni

Rais Jakaya Kikwete akisalimiana na mmoja wa wauguzi katika kitengo hicho

Mkuu wa kitengo na daktari bingwa wa figo, Dk. Linda Ezekiel akimtambulisha Rais Jakaya Kikwete madaktari bingwa toka India wanaosaidia kazi katika kitengo cha tiba ya figo katika hospitali ya Taifa ya Muhimbili.

Rais Jakaya Kikwete katika picha ya pamoja na madaktari bingwa toka India na wa Tanzania aliowatembelea katika kitengo cha tiba ya figo katika hospitali ya Taifa ya Muhimbili jijini Dar es salaam.Picha Zote na IKULU