LEO LUKAZA BLOGU YATIMIZA MWAKA MMOJA TOKEA KUANZISHWA KWAKE

Hii ndio Nembo Inayotumika tokea kuanzishwa Kwa LUKAZA BLOG na itaendelea hadi pale Tutakapoitambulisha Upya Nembo yetu Mpya Itakayotumika na LUKAZA BLOG

Hii Ndio Nembo Mpya ya LUKAZA BLOG itakayoanza kutumika Muda si mrefu 

Leo ni Siku Ya Kuzaliwa LUKAZA BLOG ambapo ilianzishwa tarehe kama ya leo mnamo mwaka 2010 ambapo ilikua ni kipindi cha kampeni za uchaguzi mkuu nchini Tanzania.

Lukaza Blog inapenda kuchukua nafasi hii kwanza Kumshukuru Mwenyezi Mungu kwa kuweza kunipa Nguvu,juhudi na akili katika kufanya lukaza blog iweze kufika na kuoneka vizuri kama inavyoonekana hivi leo.

Vilevile napenda kuchukua nafasi hii kuishukuru Familia yangu pamoja na ndugu zangu wote ambao wameweza kunisaidia kwa ushauri , na kunipa moyo na kuwezesha blogu hii kufika hapa ilipo leo

Napenda kuchukua nafasi kumshukuru Kaka yangu Haki Ngowi Kwa Msaada wake mkubwa katika kuifikisha Lukaza blog hapa ilipoo leo vilevile napenda kuwashukuru wadau wote na kaka zangu ambao wamenitangulia katika tasnia hii ya blogu kama vile Issa Michuzi wa Mmiliki Wa Michuzi Blog, Muhidin Sufiani Wa Sufiani Mafoto Blog, Ndugu yangu Fred Tony Njeje wa Mbeya Yetu Blogu kwa msaada wao kwa njia moja au nyingine kwa Kuiwezesha Lukaza blog kufika hapa ilipo leo.

Nawashukuru Vodacom Tanzania Kwa kuweza kudhamini Lukaza Blog wakati ikiwa na miezi Mitano tu Napenda kuwashukuru kwa kuchukua uamuzi sahihi wa kudhamini blogu hii kwa maana ni blogu ambayo inakua kwa kasi sana nchini Tanzania na Duniani Kote. Vilevile Lukaza Blogu inapenda Kuwakaribishha Wote ambao wanapenda kudhamini au kutangaza biashara zao kupitia Blogu hii na Kwa Bei Nafuu kabisa.

Ni vigumu kuwashukuru wote ila napenda Kuwashukuru Wanafunzi Wote Wa Chuo Kikuu Cha Dodoma Kwa Msaada wao Mkubwa katika Kuipeperusha Lukaza BLogu Sehemu zote walipo na kuweza kuisaidia lukaza blogu kufikia hapa ilipo.

Vilevile Napenda Kuwashukuru Wadau wote ambao wameza kushirikiana Na Lukaza Blogu na kuwaomba kuendeleza ushirikiano Wetu katika kuwatumikia wananchi wa Dunia Hii katika Kuwafikishia Habari .

Lukaza Blogu Inapenda Kuitambulisha logo yake Mpya ikiwa ni Kuadhimisha Mwaka Mmoja tokea kuzaliwa kwake lakini logo hii inaanza kuwa hewani muda wowote kuanzia leo.

Mungu akitujalia Baadae Lukaza Blog itakuja Na Mambo mengi matamu tu Ambayo naamini Wadau Wote wa Lukaza Blogu mtafurahia Huduma zitakazotolewa na Lukaza Blogu.

Napenda Kuwashukuru Tena Wadau na Ndugu Zangu wote Walioifikisha Lukaza Blogu hapa ilipofika Leo na Kuwaomba Waendelee na Moyo Huohuo Katika Kutimiza wajibu wetu na kwa kila mtu na nafasi yake.

Ahsante sana Na Sina jinsi ya Kuwalipa maana fadhila zenu ni Nyingi lakini Mungu Atawalipia na kuwazidishia Mara mbili ya Kile Mlichokitoa katika Kufanikisha Lukaza Blog kupata mafanikio haya madogo.

Mungu Awabariki, Awajalie na Awazidishie.

JOSEPHAT LUKAZA

LUKAZA BLOG ADMINISTRATOR

-  SUPER BRAND BLOG -