DED Mvomero Adaiwa Kuchochea Mgogoro wa Ardhi Kijijini Kipera

Mkazi wa Kinyenze katika Kijijin cha Kipera, Shabani Magua akizungumza katika mkutano wa Hadhara kijijini hapo.

 Wananchi wakiwa katika mkutano wa hadhara Kijijini hapo, hivi karibuni.

---

 Na Mwandishi Maalum

WANANCHI wa Kijiji cha Kipera Kata na Tarafa ya Mlali Wilayani Mvomero mkoani Morogoro wamekilalamikia kitendo cha Mkurugenzi wa Halmashauri ya Wilaya ya Mvomero Bi. Euphrasia Buchuma kwa kushindwa kuwapa ufafanuzi wa kina juu ya umiliki halali wa Mwekezaji aliyechukua mashamba yao na kuziba njia kijijini hapo jambo ambalo limezi kuchochea mgogoro uliopo.

 Wakizungumza kijijini hapo muda mfupi baada ya kumlizika kwa kikao baina ya Mkurugezni huyo, Mwekezaji Tanbreed Poultry Ltd, maofisa wa ardhi na Wananchi wamesema alichofanya Mkurugenzi huyo ni kuja kuwalaghai tu na si kuwapa ufumbuzi wa mgogoro huo.

 “Huyu Mkurugenzi inavyoonesha ni wazi yupo upande wa mzungu (mwekezaji) na hata haiwezekani waje hapa badala ya kusikiliza pande zote mbili wao wasome tu hati ya mwekezaji na kisha waseme ni halali,” alisema Mwajuma Idd.

 Aidha inadaiwa kuwa licha ya Kijiji hicho kutakiwa kupeleka vielelezo vyote vinavyoonesha kuwa Umiliki wa eneo hilo sio halali lakini Kiongozi huyo na wote alioambatana nao walishindwa kusoma vielelezo vyao na hata walipo hoji hawakupewa majibu ya uhakika jambo ambalo lilizidisha jazba na kuchochea zaidi mgogoro huo badala ya kutatua.

 Pia wanamtuhumu Mkurugezni huyo kuwa anatumiwa na mzungu kuwanyanyasa wananchi kwaa kitendo cha kushindwa kujadiliana naa mwekezaji huyo katika kutano wa hadhara juu ya kufungua njia iliyofungwa kijijini hapo hadi pale alipoenda nae ofisini kwake wakaenda kuzungumza.

 “Hii ni wazi kuwa kiongozi huyu anamanufaa yake hapa na ndio maana kashindwa kuzungumza nae hapa hadharani na kuamua kwenda kuongea nae ofisini na tutajuaje kama hakupewa hela kule?...sisi hatukubali na wala hatumtaki mwekezaji huyu hapa kijijini, Joseph Sugu.

 Nae Mwenyekiti wa Kitongoji cha Kinyenze ambapo mgogoro huo wa ardhi upo, Bwana Endeni Msangi amesema wao kama Kijiji hawajakubaliana na maekezo ya Mkurugenzi huyo na wamepanga kuitisha mkutano wa Hadhara wa wananchi wote kujadili hatua za kuchukua dhidi ya mwekezaji huyo.

 “Viongozi tumekubaliana kuitisha mkutano wa hadhara na kujadili na wananchi kuwa nini kifanyike baada ya majibu ya kuzubaisha na kejeli ya mkurugenzi ambayo kiukweli yamezidisha hasira ya wananchi dhidi ya mwekezaji huyu,” alisema Msangi.

 Miongoni mwa hatua wanazopanga kuchukua ni pamoja naa kupinga kuwapo kwa mwekezaji huyo kijijini hapo na wanadhamiria kwrnda mahakamani kusitisha shughuli zote shambani humo hadi haki itakapo tendeka. 

 Wananchi wa Kijiji cha Kipera Kitongiji cha Kinyenze wapo katika mgogoro wa Ardhi na Mwekezaji wa kizungu aliyenunua ardhi kijijini hapo na kuvamia mashamba ya wananchi, makazi na kufunga barabara inayounganisha vitongoji.