ZIARA YA NAIBU SPIKA WA BUNGE LA JAMHURI YA MUUNGANO WA TANZANIA MH JOB NDUNGAI HUKO READING - UINGEREZA

Frank (kushoto) akiongea jambo Na Mh Naibu Spika Job Ngungai(katikati) akiwa na Mwenyekiti Wa Tanz Uk Dr John Lusingu
---
SALAAM,

Naibu Spika wa Bunge la Jamhuri wa Muungano wa Tanzania Mheshimiwa Job Ndungai ,  pamoja na shuguli nzito za kuongoza Ujumbe wa Wabunge walioiwakilisha Taifa katika majadiliano ya BAE hapa Uingereza, alitumia fursa ya siku ya mapumziko siku ya Jumapili na kufanya ziara fupi ili kujifahamisha zaidi kuhusu shuguli za Diaspora hapa nchini Uingereza. Akiwa mgeni wa Mwenyekiti wa Jumuiya  hiyo Kitaifa, Dr John Lusingu katika makazi yake mjini Reading, Mheshimiwa  Ndungai , alipata muda wa kufahamishwa jinsi ambavyo Jumuiya ya WaTanzania(TANZ-UK) ilivyojipanga kushiriki katika mipango mbali mbali ya maendelo ya Taifa, pamoja na kuwatumikia waTanzania waishio hapa Uingereza.  

Mwenyekiti  Jumuiya  hiyo kiTaifa, alimpongeza Mh Ndungai kwa kukubali kuongoza shuguli hiyo ya mashauriano pamoja na changamoto zake.  Dr Lusingu alisisitiza kuwa  chaguo la sector ya Elimu kama “mfaidi mlengwa” ni  jambo la kuungwa mkono na kila mTanzania baadala ya kuangalia kila jambo katika mapungufu zaidi ya faida.

Dr Lusingu alimuahidi Mh. Ndungai kuwa, kwa wakati muafaka, Jumuiya itawasiliana na vyombo husika kuweza kuweka rasmi mkakati wa Jumuiya kujishirikisha na shuguli za bunge. Kwa sasa Jumuiya isingependa kuchanganya mambo, ajenda kwa sasa ni kuhakikisha kuwa lengo la ujumbe wake lifanikishwa kwanza. Mh. Ndungai alifurahishwa na mikakati ya Diaspora ambayo aliita ya kizalendo na yenye njozi zanazokubalika. Mh. Ndungai pia alifurahishwa zaidi kusikia kuwa Diaspora ni mojawapo ya mafanikio  ya serikali ya awamu ya nne. 

Mh. Ndungai alikubaliana na kauli ya Dr John Lusingu, kuwa kwa wakati muafaka, bunge nalo kwa kupitia vyombo husika vya serikali litajitahidi kushirikiana na Diaspora katika maeneo mabali mbali ya ujenzi wa Taifa.

ASANTENI,

URBAN PULSE CREATIVE