PWEZA IKER AITABIRIA MAN U UBINGWA WA UEFA HAPO KESHO

Pweza Iker akila chakula katika kontena lenye nembo ya Manchester United kuashiria kombe kubaki London hapo kesho.

PWEZA mpya anayejulikana kwa jina la Iker anayefugwa Andalucia nchini Uhispania, ameitabiria timu ya Manchester United kutwaa ubingwa wa Uefa katika fainali itakayopigwa hapo kesho uwanja wa Wembley jijini London.

Pweza Iker alichagua kula chakula katika kontena la kioo lenye nembo ya Man U na kuliacha la Barcelona pembeni.

Pamoja na utabiri huo, Barcelona bado hawakubaliani na utabiri wa Pweza huyo kwani hapo mwanzo aliitabiria Klabu ya Real Madrid kutinga fainali za kombe hilo la Uefa.

Pweza huyo mwenye uzito wa kilogramu 16 anayeitwa jina kama la golikipa wa timu ya Real Madrid ambaye pia ni nahodha wa timu ya taifa ya Hispania, Iker Casillas, alitabiri vyema sare ya 1-1 kati ya Barcelona na Madrid katika ligi ya Hispania Aprili 16, 2011 na ushindi wa 1-0 wa Madrid kuwafunga mahasimu wao Barcelona katika kombe la Mfalme.

Wakati wa michuano ya kombe la dunia iliyofanyika nchini Afrika Kusini, Pweza aliyejulikana kwa jina la Paul kutoka Ujerumani, alijizolea sifa baada ya kuitabiria sawa timu kutoka nchini kwake pamoja na ya fainali kati ya Hispania na Uholanzi. Paul alifariki dunia mnamo Oktoba 26, 2010.

SWALI LINAKUJA, JE PWEZA IKER ATAFIKIA UTABIRI ALIOUFANYA PWEZA PAUL? MTIHANI WAKE WA KWANZA NI MECHI YA KESHO JIJINI LONDON.
Imeandaliwa na Clarence Mulisa kwa msaada wa Mtandao