Dr. Slaa, J. Makamba, Peter Msigwa, wafunguka juu ya Lowassa kuhamia Chadema

Masaa machache yaliyopita zilisambaa picha zinazoonesha Mkutano Mkuu wa Chadema uliohudhuriwa na viongozi wote wa ngazi za juu wa chama hicho, huku aliyekuwa waziri mkuu wa zamani, Edward Lowassa akionekana kwenye meza kuu ya kikao hicho hali inayoashiria wazi kuwa amejiunga rasmi.

Picha hizo zisizokuwa na maelezo ya kutosha japo lugha ya picha inatoa maelezo ya jumla, zilipata maelezo mbalimbali na kuzua mjadala mrefu kwenye mitandao ya kijamii.

Baadhi ya wanasiasa wakubwa tayari wameshatoa maoni yao huhusu picha hizo na tukio zima linaloashiria kuwa Edward Lowassa amehamia rasmi katika Chama Cha Demokrasia na Maendeo (Chadema).

Naibu Waziri wa Sayansi, Mawasiliano na Teknolojia, January Makamba, kupitia tweeter ameeleza kuwa hatua hiyo imerahisha zaidi kazi ya CCM kwenye uchaguzi mkuu.

“The election just got easier for CCM,” ametweet Makamba masaa machache baada ya tukio hilo kuonekana kwenye mitandao.