MAWINDO BADO YANAENDELEA: MAN U YATUMA OFA YA TATU KWA BARCELONA KWAAJILI YA KUTAKA KUPATA SAINI YA CESC FABREGAS

Bado nafasi ipo:  Kocha wa Manchester United,  David Moyes amesema bado yupo katika mazungumzo na Cesc Fabregas  

Mawindo bado yanaendelea: David Moyes alizungumza na waandishi wa habari huko  Osaka, Japan

Wakiwa katika mazungumzo makini: Patrice Evra na Robin van Persie wakibadilishiana mawazo

Wakati wa mazoezi: Moyes akimpa maelekezo Ryan Giggs wakati wa mazoezi nchini Japan 

Tizi:  Wachezaji wa  United  wakipiga jalamba leo hii

 

Na Baraka Mpenja kwa msaada wa Sportsmail.com

KOCHA wa mabingwa wa soka nchini England, klabu ya Manchester United, David Moyes amesisitiza kuwa nia yake ya kumsajili kiungo wa Barcelona, Cesc Fabregas ili akipige Old Trafford  iko pale pale na jitihada za kumshawishi kuiacha klabu yake zinaendekea.

Moyes amayesema hayo katika mkutano na waandishi wa habari Osaka nchini Japan, lakini hakutaka kuendelea kulizunguzia suala hilo zaidi.

Klabu ya United imeandaa ofa ya pili kuinasa saini ya Fabregas, na inaaminika ni zaidi ya pauni milioni 30 ambayo ilikatataliwa na Barcelona. Fabregas bado yupo likizo ambayo alipewa na klabu yake baada ya kutoka kushiriki michuano ya kombe la Mabara , hivyo hapo jana alikosa kucheza mechi ya klabu yake dhidi ya kikosi cha  kocha wake wa zamani, Joseph Pep Guardiola, klabu ya Bayern Munich.

Mapema wiki hii kocha Moyes alisema: “Naelewa kuwa mkurugenzi wao mkuu Ed Woodward anawajibika juu ya mpango huo na wapo katika mazungumzo baada ya kutuma ofa nyingine”.