Mamlaka ya Mawasiliano (TCRA) yazindua Kampeni ya kuelimisha umma kuhusu matumizi mazuri ya mawasliano.

Mkurugenzi wa Mamlaka ya Mawasiliano Tanzania TCRA Bw. Profesa John Nkoma  akizungumza katika uzinduzi huo kushoto ni Inocent Mungi Meneja Mawasiliano wa TCRA.

………………………………………………………………………

Na Benedict Liwenga-MAELEZO.

Ongezeko la matumizi ya Intaneti kwa watanzania nchini limeongezeka kutoka watumiaji laki tatu miaka mitatu iliyopita hadi watumiaji milioni 7.6 Kwa takwimu za hivi karibuni.

 

Hayo yamesemwa leo na Mkurugenzi Mkuu wa Mamlaka ya Mawasiliano Profesa John Nkoma wakati wa Kampeni ya kuhamasisha matumizi mazuri ya mawasiliano yaliofanyika leo jijini Dar es Salaam.

Profesa Nkoma amesema kuwa wengi wa watumiaji wa intaneti matumizi yao ni katika kujifunza, kujielimisha pamoja na matumizi ya mitandaoi ya kijamii ikiwemo Facebook, Twitter, BBM, LinkedIn na Blog mbalimbali zitoazo habari mbalimbali za kimaendeleo, burudani na michezo.

“Matumizi haya ya intaneti yamenufaisha watanzania walio wengi kwani ni fursa murua ya kujifunza kupitia mitandao hiyo ya kijamii kwa kupata habari mpya, kujifunza na kuelimishana kuhusu shughuli za maendeleo na kuleat amani miongoni mwa watanzania”. Profesa Nkoma alisema.

Profesa Nkoma aliwaasa baadhi ya watu wachache wenye tabia ya  kutumia mawasiliano ya simu, mitandao ya kijamii, radio, runinga na mawasiliano mengine kwa lengo la kuvuruga amani, kuchochea vurugu , kuchonganisha watu, kusababisha ugomvi, kuwaumiza wengine kwa mambo yasiyo ya ukweli, kupotosha jamii na maendeleo kwa ujumla.

Aidha, Profesa Nkoma amewatahadharisha wananchi kwamba kutumia mawasiliano vibaya kama ilivyoainishwa katika sheria ya mawasiliano ya kielectroniki (EPOCA) ya mwaka 201 ni makosa.

“Kampeni hii, Mamlaka inakusudia kuwasihgi wananchi kuhakikisha wanatumia mawasiliano vizuri ili kudumisha amani, mshikamano na upendo miongoni mwa watanzania”. Profesa Nkoma alisisitiza.

Kwa upande mwingine Profesa. Nkoma alizindua wimbo wa video wenye ujumbe wa “Futa na delete meseji kabisa”, wimbo ambao umeandaliwa na wasanii Mrisho Mpoto na Banana Zorro wenye lengo la kuwataka wananchi kutumia mitandao ya kijamii vizuri kwa kuepuka uchochezi na matusi katika kuitumia.

Profesa Nkoma amewasihi wananchi na watumiaji wa huduma za mawasiliano kuwa wakipokea ujumbe wowote wa kueneza chuki unaopelekea kuvuruga amani, watoe taarifa kwa vyombo husika, kisha wafute ujumbe huo ili usienezwe kwa wengine kwani uatkuwa sehemu ya uhalifu.

Siku za hiuvi karibuni ongezeko la huduma za mawasiliano nchini limekuwa kwa kasi sana na katika kipindi kifupibzimekuwa sana na kuwafikia watanzania wengi zaidi kutoka laini za simu za mkononi milini tatu tu mwaka 2000 hadi kufikia laini milioni 28.