DKT. RAJAB RUTENGWE PAMOJA NA UKUU WA MKOA WA KATAVI NI MKULIMA WA MFANO WA KUIGWA

Mkuu wa mkoa wa Katavi Mh. Dkt. Rajab Rutengwe akitoa maelezo kadhaa kwa Mkurugenzi wa Mtandao wa Fullshangweblog Bw. John Bukuku mara baada ya  kutembelea shamba lake la miembe lililoko  kijiji cha Mboga mkoani Pwani.

Mh. Mkuu wa mkoa wa Katavi Dkt. Rajab Rutengwe akizungumza na Meneja wa shamba lake Bwana Shamba Said Hemed wakati alipotembelea shamba lake kuona maendeleo ya mazao katika shamba hilo.

Mh. Mkuu wa mkoa wa Katavi Dkt. Rajab Rutengwe akiangalia mmoja wa mti wa miembe ambayo imeshaanza kuzaa matunda shambani humo

Wageni wakiwa shambani hapo walikaribishwa kupata tunda la Nanasi kidogo kulia ni Mkuu wa Mkoa wa Katavi na mmiliki wa shamba hilo na kulia ni John Bukuku Mkurugenzi Mwendeshaji wa mtandao wa Fullshangweblog.

Meneja wa Shamba Bwana Shamba Said Hemed akionyesha ukubwa wa shamba hilo lenye miembe zaidi ya Elfu nne.

Bw. Said Hemed akionyesha zao la matunda ya Mananasi katika shamba hilo.

Hili ni eneo ambalo limepandwa mipapai.

Hili ni moja wa mabanda yameanza kujengwa kwa ajili ya ufugaji wa nyuki shambani hapo.

Hili ni moja ya mabanda ya kuku yanayojengwa katika shamba hilo kwa ajili ya ufugaji wa kuku wa kisasa wa mayai na nyama

Hili ni eneo lingine linaloandaliwa kwa ajili ya kupanda miembe mingine.PICHA NA FULLSHANGWEBLOG.COM

...................................................

Nimesafiri na Mkuu wa Mkoa wa Katavi Dkt. Rajab Rutengwe mkuu wa mkoa wa Katavi nikienda huko kwa mwaliko wa mkuu wa mkoa huyo kwa ajili ya shughuli maalum ya kumuvuzisha matukio katika uzinduzi rasmi wa mkoa huo utakaofanyika Novemba 25 mwaka huu mjini Mpanda ukizinduliwa na Makamu wa Rais Dkt. Gharib Bilal.

Lakini tukiwa njiani tumepitia kwenye shamba la Mh. Dkt. Rajab Rutengwe lililoko huko Bagamoyo Mkoani Pwani katika kijiji cha Mboga mbele kidogo ya kijiji cha Msoga nyumbani kwa Mh Rais Jakaya Kikwete, Mh. Dkt. Rutengwe pamoja na majukumu yake ya uongozi katika mkoa wa katavi ni mkulima mzuri kwa shamba lake lina ukubwa wa hekari 15 na amepanda mazao mbalimbali yakiwemo Maembe, Mananasi, Mapapai Michungwa na pia anaendesha ufuganji wa nyuki na kuku jambo ambalo limekuwa mfano kwa wakazi wa kijiji hicho.

Mh. Dkt. Rutengwe anasema kwa kweli hawezi kununua kiwanja ambacho hakina eneo la kilimo kwani ukulima kwake ni jambo muhimu sana na ndiyo maana aliamua kuanzisha kilimo cha kisasa katika kijiji hicho kwa kupanda mazao mbalimbali kitu ambacho kimenifanya kuwa mkulima wa mfano katika kijiji chetu.