MKUU WA MKOA WA RUKWA : MADEREVA BODABODA JIUNGENI NA MFUKO WA BIMA YA AFYA NHIF

Mkuu wa Mkoa wa Rukwa Injinia Stella Manyanya akimkabidhi Wegson Frakson kiongozi wa kikundi cha waendesha pikipiki cha Soko Kuu Mandela vizibao maalum vya usalama barabarani kwa ajili ya waendesha bodaboda Mkoani Rukwa leo, vizibao hivyo vimetolewa na mfuko wa bima ya afya nchini NHIF kwa vikundi tofauti 15 vya waendesha pikipiki katika Manispaa ya Sumbawanga. Katikati ni Kaimu Mkurugenzi Mkuu wa Mfuko Ndugu Hamis Mdee.Vizibao hivyo vinaakisi mwanga utakaosaidia dereva wa bodaboda kuonekana kirahisi awapo barabarani hivyo huepusha uwezekano wa kupata ajali.

Mkuu wa Mkoa wa Rukwa aliamua kupanda Pikipiki na kujitambulisha kama mmoja wa wadau wa bodaboda na kusema kuwa anatambua mchango wao katika sekta ya usafiri nchini haswa kwa watu wa kipato cha chini. Alitumia mwanya huo kuwaelezea umuhimu wa wao kujiunga na mfuko wa bima ya afya ambapo walionekana kuhamasika na kuahidi kujiunga na mfuko huo mapema iwezekanavyo.

Mkuu wa Mkoa wa Rukwa Injinia Stella Manyanya akihamasisha waendesha pikipiki katika Manispaa ya Sumbawanga kujiunga na mfuko wa bima ya afya leo katika viwanja vya shule ya sekondari Msakila. Alisema kuwa waendesha bodaboda wanakabiliwa na changamoto kubwa ya ajali za barabarani jambo lililosukuma kupewa vizibao hivyo maalum vitakavyosaidia kuonekana kirahisi wawapo barabarani, aliwasihi kujiunga na mfuko huo kujihakikishia usalama wa afya zao pindi wapatapo matatizo ya ajali au maradhi ya kawaida.

Kuonyesha kuwa wamehamasika madereva hao wa bodaboda waliamua kumsindikiza Mkuu huyo wa Mkoa wa Rukwa hadi ofisini kwake katika umbali usiopungua kilomita 5 kutoka eneo la tukio. Mkuu wa Mkoa wa Rukwa alihamasika na kuamua kupiga nao picha ya pamoja kama inavyoonekana wakiwemo pia viongozi waandamizi wa mfuko wa bima ya afya nchini na viongozi wa usalama barabarani mkoani Rukwa.

Wazee wa bodaboda wakiwa tayari wameshavalia vizibao vyenye kuakisi mwanga (reflector) vilivyotolewa na mfuko wa bima ya afya nchini vitakavyowasaidia kwenye usalama barabarani.Picha na rukwareview.blogspot.com