FUKWE ZA UKANDA WA ZIWA TANGANYIKA MKOANI RUKWA ZILIZOHIFADHIWA KUVUTIA WAWEKEZAJI KATIKA UKANDA WA ZIWA TANGANYIKA

 Fukwe za Ziwa Tanganyika kwa Mkoa wa Rukwa ni fursa pekee ambayo bado haijaharibiwa au kutumiwa vya kutosha. Ukanda huu ni kielelezo tosha cha mandhari na fursa nzuri za uwekezaji katika eneo hili ambalo kwa kiasi kikubwa linachochewa na ujenzi wa barabara za lami zinazoendelea kujengwa katika Mikoa hii itakayounganisha Mikoa hiyo na Ziwa Tanganyika pamoja na Nchi jirani zilizopakana na Ziwa hilo.

 Baadhi ya Hoteli zinazopatikana Mkoani Rukwa katika Wilaya ya Nkasi katika Tarafa ya Kipili. Boti zinazoonekana ni kwa ajili ya wateja watakaohitaji kwenda kucruise ndani ya Ziwa. Bado yapo maeneo maalum ambayo yametengwa kwa ajili ya ujenzi wa Hoteli za Kitalii katika ukanda huu.

 Hakika mandhari haya yanavutia na hivyo ni baadhi ya vyumba katika Hoteli hiyo ya Kipili.

Ukanda wa Ziwa Tanganyika unajumuisha mikoa ya Rukwa, Katavi na Kigoma. Mikoa hii kwa pamoja ni Mikoa iliyopitiwa na Ziwa Tanganyika ambalo fukwe zake ni sehemu ya Utawala katika Mikoa hiyo. Ziwa hilo kwa upande wa pili limepakana na Nchi jirani za Kongo, Zambia na Burundi pamoja na Rwanda. Miongoni mwa fursa kuu zinazopatikana humo ni pamoja na uvuvi, usafirishaji katika Mikoa na nchi hizo. Fukwe zake ambazo zimehifadhiwa ni fursa pekee ya Ujenzi wa Hoteli za Kitalii kutokana na Watalii wengi kupenda kutembelea maeneo hayo. Hali kadhalika kuna samaki wa mapambo. Kubwa zaidi kunakadiriwa kuwepo kwa mafuta ya Petroli na Gesi, Utafiti bado unaendelea kufanywa na Kampuni ya Beach Petroleum kwa kushirikiana na TPDC Tanzania kubaini uwepo wa rasilimali hizo. Katika Ziwa hili ndiko inakopatikana Meli Kongwe kuliko Meli zote Duniani, Meli ya MV Liemba inakadiriwa kuwa na umri zaidi ya miaka 100 huku bado ikiwa inafanya kazi.

 Mbunge wa Jimbo la Nkasi Kaskazini Ally Kessy, Mkuu wa Mkoa wa Rukwa Injinia Stella Manyanya, Mkuu wa Wilaya ya Nkasi Joyce Mgana na Kamati ya Ulinzi na Usalama ya Wilaya ya Nkasi wakimaliza ziara ya kukagua Fukwe za Ziwa Tanganyika huku wakielekea kwenye Hoteli ya Kipili ambayo kwa kiasi kikubwa hupata wageni wa kitalii.

Mkuu wa Mkoa wa Rukwa Injinia Stella Manyanya Kushoto na Mkuu wa Wilaya ya Nkasi Joyce Mgana wakiwa wamejipumzisha katika moja ya maeneo ya mapumziko kwenye Hoteli ya Kipili baada ziara ya kuzungukia fukwe za Ziwa Tanganyika.

  Mkuu wa Mkoa wa Rukwa Injinia Stella Manyanya (Kulia) na Mkuu wa Wilaya ya Nkasi Joyce Mgana (Kushoto) wakiongea na watalii waliofikia katika Hoteli ya Kipili Wilayani Nkasi siku za hivi karibuni walipoenda kutembelea fukwe hizo.Picha na Habari na Hamza Temba-Ofisi ya Mkuu wa Mkoa Rukwa