HAMAD MASOUD HAMAD AZINDUA RASMI KAMATI YA CHUO CHA UBAHARIA ZANZIBAR

 

Na Hamad Hija maelezo Zanzibar

Waziri wa miundombinu wa Serikali ya mapindizi ya Zanzibar Hamad Masuod Hamad, amezizinduwa rasmi kamati ya chuo cha mabaharia na kamati ya safari usafiri wa anga ambazo zitasimamia uundwaji wa vyuo hivyo hapa zanzibar.

Halfa ya uzinduzi wa kamati hizo ambazo zitakuwa na majukumu ya kusimamia uanzishwaji wa vyuo hivyo imefanyika leo huko uwanja wa ndege wa zamani huko kisauni nje kidogo ya mji wa Zanzibar.

Akizitaja kamati hizo Waziri wa miundo mbinu na mawasiliano Hamad Masuod Hamad, amewataja watakao unda kamati ya usafiri wa anga kuwa ni pamojana Abdulla Hussein Kombo kuwa Mwenyekiti capteein Said mligati ,Said Suri na wengineo na kwa upande wa kamati ya anga wamo capteein Ali Haji

.Abdulrahman Chande, Engeneer Haji vuai Ussi pamoja na Salma Suleiman omar

Amesema kuwa wamefikiria kuanzishwa kwa vyuo hivyo kwa kuwa muda wa kufanya hivyo umefika kutokana na kuwa zanzibar kuna mabaharia wengi,ambapo wengi wao wanafanya kazi ya ubaharia bila ya kuwa taaluma ya fani hiyo.

Amsema kusudio la kuanzisha vyuo hivyo viwe vyuo endelevu na vyenye hadhi ya vyuo ambapo watu wengi watapota nafasi ya kujifunza hapa Zanzibar na sio viwe vyuo vya kienyeji

Aidha Masud amesisitiza kuwa, wanavyokusudia katika uanzishwaji wa kamati hizo nikuona lengo la kuzipa uwezo wa kiutendaji hadi kuanzishwa kwa vyuo hivyo hapa Zanzibar.

Aidha amefahamisha kuwa pamoja na kuanzisha kamati hizo hivi sasa hakuna fungu la pesa ambazo zimetengwa kuendeshea lakini pesa za kuendeshea shughuli hizo zitatoka katika taasisi husika ambazo zipo.

Akitaja kazi za kamati hizo ambazo zimezinduliwa leo waziri huyo alisema kuwa miongoni mwa kazi zao ni pamoja na kuangalia kwa kina utaratibu wa kuanzisha chuo cha ubaharia hapa Zanzibar pamoja na mfumo mzima wa uendeshaji wa chuo hicho

Alisema kuwa pia kutakuwa na jukumu la kamati hizo kuangalia kwa kina soko la chuo hicho hapa zanzibar na nje ya Zanzibar pamoja na kutowa mapendekezo ju ya taratibu zitakazo tumika katika kutowa mafunzo katika chuo

Aidha alitaja kuwa kazi nyengine zitakuwa kutowa na kupendekeza mipango ya muda mrefu na muda mfupi ya kitaalamu ya uendeshaji ambapo pia kutakuwa na majukumu ya kupendekeza taratibu za kutambuliwa chuo hicho duniani.

Na kazi nyengine ambazo zimetajwa kuwa zitakuwa na jukumu kubwa la kuorodhesha wataalamu waliopo hapa Zanzibar ambao watatumika katika kuendesha mafunzo ya vitendo na nadharia

Picha Na Habari Kwa Hisani Ya John Bukuku - Full Shangwe Blogu