UDOM WASOTEA VITAMBULISHO VYA KUREJEA CHUONI LEO KATIKA UWANJA WA MPIRA WA JAMHURI

 Baadhi ya wanafunzi wa Chuo Kikuu cha Dodoma (UDOM) wakiwa katika foleni ya kujiandikisha upya na kupatiwa vitambulisho vipya pamoja na namba za kurejea chuoni baada ya wanafunzi hao kuanza kurejea chuoni. Wanafunzi hao waliandaliwa utaratibu wa kujiandikisha upya ikiwa ni pamoja na kuhakikiwa kuhusu malipo ya Ada, pamoja na kuapishwa na Wanasheeria wakiapa kuwa hawatarudia tena kugoma.

 Askari Polisi akienda kwa  baadhi ya wanafunzi ili kuwaelekeza kukaa katika foleni na wasiweze kuchakachua na kurukia foleni za wenzao wakati wa mchakato huo, ulifanyika leo katika Uwanja wa Jamhuri mjini Dodoma.
 "Duh! Tumewahi Kuamka Saa 11 Alfajili Na Namba Tumekosa....?" Baadhi ya Wanafuzi waliochelewa kuchukua namba ya kuingia kwenye usaili huo,wakichungulia kwenye moja ya mageti ya uwanja wa Jamhuri mjini Dodoma.

 Hawa ndo kwanza wamejichokea kusubiri utaratibu wa kuitwa ili kuanza hatua ya mwanzo ya ukaguzi wa Ada.
Wengine waliochelewa kuchukua namba wakiwa nje ya geti kuu la kuingilia kusubiria taratibu ya viongozi.