SERENGETI BREWERIES YAADHIMISHA SIKU YA MAZINGIRA DUNIA KWA KUPANDA MITI 20,000

Kocha wa timu ya Taifa Stars Jan Paulsen na Meneja wa Mahusiano na Jamii wa kampuni ya bia ya Serengeti Nandi Mwiyombela wakipanda mti kwa pamoja wakati wa maadhimisho ya wiki ya mazingira, zoezi hilo limefanyika katika viwanja vya ofisi ya mkuu wa wilaya ya Bagamoyo leo, anayeshuhudia tukio hilo katikati ni mkuu wa wilaya ya Bagamoyo Magesa Mulongo.

Golikipa wa timu ya taifa Taifa Stars Shaban Kado akipanda mti katika viwanja vya ofisi ya Mkuu wa Wilaya ya Bagamoyo, wakati kampuni ya bia ya Serengeti ilipoadhimisha wiki ya mazingira kwa kupanda miti 400 katika wilaya ya Bagamoyo kama ishara ya kampuni hiyo kuthamini na kutunza mazingira, Kilele cha maadhimisho hayo duniani kote kitafanyika Juni 5, mwaka huu. Wafanyakazi hao leo wakishirikiana na timu ya Taifa Stars na wananchi wa Bagamoyo wamepanda miti 400, huku lengo likiwa ni kupanda miti elfu 20.000 mpaka Juni 5 ambayo ndiyo siku ya kilele cha wiki ya mazingira katika mikoa ya Pwani, Kilimanjaro na Mwanza, ikiwa ni kuhakikisha mazingira yanaboreshwa na kutunzwa vyema huku wakitoa wito kwa jamii kutunza miti hiyo ili iweze kukua vizuri na kuboresha mazingira yetu. Waliosimama katika picha kutoka kulia ni Henry Joseph mchezaji wa timu ya Taifa, Mkuu wa wilaya ya Bagamoyo Magesa Mulongo, kocha wa timu ya Taifa Stars Jan Paulsen na kushoto mwenye kofia ni meneja Mahusiano na Jamii wa Serengeti Nandi Mwiyombela pamoja na wachezaji wa timu ya taifa.

Mkuu wa Wilaya ya Bagamoyo Magesa Mulongo akipanda mti katika viwanja vya ofisi yake wakati wa maadhimisho ya wiki ya Mazingira ambapo wafanyakazi wa kampuni ya bia ya Serengeti pamoja na wachezaji wa timu ya Taifa wameshiriki katika zoezi hilo lililofanyika leo mjini Bagamoyo wanaoshuhudia tukio hilo ni Kocha wa Taifa Stars, wachezaji pamoja na wafanyakazi wa kampuni ya bia ya Serengeti (SBL)

 

Picha Kwa Hisani Ya Full Shangwe