Ndugu zangu,
Leo naomba ' Mwenyekiti' wenu niwe ' Wakili wa Shetani'.
Dada huyu pichani jana aliandamwa na kuzomewa na baadhi ya wakazi wa Iringa Mjini hususani wanaume wakidai kuwa ametembea nusu uchi. Jambo hili linakanganya; ni nani mwenye mamlaka ya kuamua kama anayetembea barabarani yu nusu uchi au la? Maana, fasheni siku hizi ziko za aina mbali mbali.
Dada huyu amefanya kosa gani? Je, jambo hili lingewezekana kutokea kwenye miji kama Dar ambako si tu huonekana wanaume kwa wanawake wenye kuvaa fasheni mbali mbali za Kimagharibi?
Mbona hawazomewi dada zetu wenye kucheza shoo kwenye steji za muziki wakiwa na ' vichupi'? Na wanaume wenye kutembea vifua wazi na kuvaa suruali nusu matako tuwafanyeje?
Dada aliyezomewa na wanaume ana haki ya kudai kuwa amedhalilishwa kijinsia kama akipeleka kwa hakimu ushahidi wa picha hizo. Katika hili ' Mwenyekiti' wenu naweza ' KujiTunduLisssu' na kusimama mahakamani kumtetea dada yangu huyu. Na naamini atashinda na kulipwa fidia!
Na nyie mmesimamia wapi kwenye mkanganyiko huu?
Na Maggid Mjengwa
Hello, my name is Josephat Lukaza. I've 12 years in Blogging and An Award Winner for the BEST Political Blog in African Bloggers Awards in 2015
Hakuna haja ya kumshangaa huyo dada kwasababu dunia ya leo ni ya sayansi na teknolojia ambayo kila mtu anafanya kitu anachojisikia lakini kwa nchi kama yetu huyu dada ni lazima tu wamshangae na hata kubakwa angewezwa kubakwa kwasababu amewatamanisha au kusababisha matamanio kwa wanaume je angebakwa sababu ni nani?lakini haipendezi kwa mwanamke kama huyu kutembea na nguo ambayo mumewe au mpenzi wake ndio anatakiwa kuiona...
ReplyDelete