UJENZI WA DARASA KUSHEREHEKEA KUZALIWA KWA PROFESSA HAROUB OTHMAN

Ndugu yangu Michuzi za masiku. Kwanza heri ya mwaka mpya na natumai wewe na familia wazima. Sasa naomba msaada wa Globu ya Jamii kutoa shukurani zangu kwa wale wote walioitikia wito wangu wa kusheherekea siku ya kuzaliwa ya marehemu mzee wangu Hayati Profesa Haroub Othman.

Niliwaomba marafiki na majirani tushirikiane pamoja katika kukarabati darasa la shule ya msingi Msasani ambalo lilikuwa halitumiki na wao wakajiunga nasi na kufanya kazi ya kujitolea na kuchangia vifaa vya ujenzi.

Nawashukuru sana kwa hilo na pamoja na kwikwi za hapa na pale tumefanikiwa kumaliza ukarabati na sasa jengo litatumika upande mmoja kama ofisi ya walimu na upande wa pili kama darasa. Shukurani sana kwa wote waliofanikisha hilo na nawaomba waendelee na moyo wa kujitoleakwani naamini pamoja hamna kitakachoshindikana.
Wako katika ujenzi wa Taifa
Tahir

Darasa lenyewe wadau toka kila pembe walijitokeza kwenye harambee hii

kazi ilikuwa

Carolla Kinasha na wadau wengine wakiwajibika

Habari Na Picha Kwa Hisani Ya Michuzi Blog