Wafanyakazi wa TBL Group walivyoshiriki matembezi ya ‘Walk For Kagera’

Baadhi ya wa wafanyakazi wa TBL Group waliungana na viongozi wa serikali na wafanyakazi kutoka taasisi mbalimbali za umma na za binafsi katika matembezi ya hisani ya kilometa 5 kwa ajili ya kuchangisha fedha za kusaidia wahanga wa tetemeko la ardhi lililotokea hivi karibuni mkoani Kagera.

Matembezi hayo yaliyoongozwa na Rais Mstaafu wa awamu ya pili,Mheshimiwa Ali Hassan Mwinyi yalianzia katika viwanja vya Bwalo la Maofisa wa Polisi eneo la Oysterbay jijini Dar es Salaam na kumalizikia eneo hilo ambapo ahadi na michango mbalimbali ilitolewa.

Wakielezea ushiriki wao katika tukio hilo la kusaidia binadamu wenzao waliofikwa na  baadhi ya wafanyakazi walisema kuwa wameguswa na tatizo la tetemeko la ardhi  ambalo limesababisha vifo na hasara kubwa  na kuongeza kuwa licha ya kampuni kutoa mchango wafanyakazi nao wameguswa na kuungana na wadau wengine kwenye matembezi hayo

 Baadhi ya wafanyakazi  wa TBL Group wakisubiri  kuanza kwa matembezi

 Mh.Ali Hassan Mwinyi katika matembezi akiwa na viongozi wengine wa serikali na wafanyakazi wa taasisi mbalimbali walioshiriki

Baadhi ya wafanyakazi wa TBL Group katika matembezi hayo