RYAN GIGGS KUWA KOCHA MCHEZAJI WA MAN U NA PHIL NEVILE ATEULIWA PIA KUWA MOJA WA MAKOCHA WA MAN U

Ryan Giggs Winga wa Mashetani Wekundu akishangilia moja ya goli alilofunga kwenye ligi kuu ya uingereza Msimu Uliopita.

 Phil Nevile (Kushoto) akiwa na Ryan Giggs (kulia)

Winga Machachari Kutoka Klabu ya Mashetani wekundu aka Manchester United Rayan Giggs ametangazwa kuwa Kocha Mchezaji wa timu hiyo rasmi baada ya Meneja Mpya David Moyes kuanza kutengeneza safu ya makocha upya. Giggs Ambaye ana umri wa miaka 39 amedumu na timu hiyo kwa takribani miaka 22 tokea alipotua kwenye dimba la old trafford.

Pamoja na Giggs Kuteuliwa kuwa Kocha Mchezaji wa timu hiyo, Naye Beki wa Zamani wa Timu hiyo Phil Nevile naye Pia ameteuliwa kuwa Kocha Wa timu hiyo.

Giggs ambaye amenyakua Kombe la Ligi kuu ya Uingereza mara 13 akiwa na Manchester united amesaini mkataba wa mwaka mmoja wa kuichezea klabu hiyo na huku pia akiendelea kuwa kocha.

Uteuzi wa Giggs Kuwa Kocha Mchezaji umekuja baada ya Giggs kuwa na begi ya ukocha na baadae ataenda kwenye mafunzo ya UEFA Pro Licence msimu ujao

Alisema " Hii ni nafasi na heshima kubwa kwa kuteuliwa kuwa kocha-Mchezaji, ni matumaini yangu kuwa nitaweza kutumia uzoefu wangu nikiwa katika pande zote mbili kama Mchezaji na Kocha na kuleta maendeleo katika familia ya Manchester United"

Aliongezea kwa kusema kuwa "Hakuna siri hapa nimekuwa nikichukua ujuzi na sasa naona hii ndio hatua yangu ya kwanza katika kuanza kazi ya ukocha hapo mbeleni, natumai nitafanya kazi bega kwa bega na Daivd pamoja na Manchester united"