ENDELEENI KUFANYA KAZI ZENU BILA WASIWASI WALA UOGA, JESHI LIPO IMARA KULINDA WANANCHI NA NCHI KWA UJUMLA ATAKAYETHUBUTU KUCHEZEA USALAMA WA NCHI ATAONJA JOTO YA JIWE - MKUU WA MAJESHI JENERALI MWAMUNYANGE

 Mkuu wa Majeshi Jenerali Mwamunyange --
 Katika siku za karibuni kumekuwa na kauli kadhaa kutoka kwa baadhi ya viongozi wa nchi jirani ambazo zinatafsiriwa na wananchi kwamba ni za kuitisha Tanzania.

 

Jenerali Mwamunyange alisema jeshi wakati wote liko imara kuwalinda wananchi na nchi kwa jumla hivyo wasiogope...“Endeleeni na shughuli zenu na msiogope mtu yeyote, fanyeni kazi zenu bila wasiwasi.”

 

Huku akishangiliwa na mamia ya watu waliohudhuria maadhimisho hayo, Jenerali Mwamnyanye alisema yeyote atakayethubutu kuchezea usalama wa nchi atakiona cha mtema kuni.Akizungumzia Siku ya Mashujaa, Rais Kikwete alisema ni siku ya kuwakumbuka mashujaa waliojitolea maisha yao wakati wa Vita ya Kagera kuilinda nchi yao ili iwe salama na yenye amani.

“Kuhakikisha usalama wa nchi kuna gharama yake kwani kuna wengine walikufa na wengine wakabaki na vilema kwa ajili ya hilo.Wale ambao wamebaki na wana matatizo lazima tuwaangalie vizuri na vile ambavyo havijafanyika tutavishughulikia kwani kutetea taifa ni kazi ngumu.”

 

Maadhimisho hayo yalihudhuriwa na viongozi mbalimbali wakiwamo, Makamu wa Rais, Dk Gharib Bilal,Rais wa Zanzibar,Dk Mohammed Shein, Jaji Mkuu wa Tanzania,Othman Chande na Jaji Mkuu wa Zanzibar,Omar Othman Makungu ambao wote walipewa nafasi ya kuwasalimia wananchi waliohudhuria maadhimisho hayo.

Kwa Habari Zaidi Bofya na Endelea.......