MAKUNDI MKOMBOZI CUP YAPANGWA, BINGWA MTETEZI KUUMANA NA GREEN STAR

 MWENYEKITI WA MICHUANO YA MKOMBOZI CUP 2013 MAMA MSHANA AKIWA NA VIFAA VITAVYOTUMIKA KWA TIMU HUSIKA

 MSHAURI WA MICHUANO YA MKOMBOZI CUP 2013 J MPANDE AKIWA NA VIFAA VITAKAVYOTUMIKA KWA TIMU HUSIKA.

MKOMBOZI CUP ITAANZA KUTIMU VUMBI JUNI 13 HADI JULAI 8 , 2013 KATIKA VIWANJA 2 CHA MANDELA NA KING GEORGE MEMORIAL MJINI MOSHI MKOANI KILIMANJARO.

 

Bingwa Mtetezi wa Kikombe cha Mkombozi Kitayosce FC atafungua michuano hiyo kwa kucheza na Green Star zote za mjini Moshi Mkoani Kilimanjaro.

Kwa mujibu wa ratiba ya Mkombozi Cup michuano hiyo itaendeshwa kwa makundi, ambapo kundi A lina Bingwa Mtetezi Kitayosce FC, Green Star, Nyuki FC na Golani FC. Mechi ya Ufunguzi imepangwa kuchezwa Juni 13 mwaka huu katika uwanja wa Mandela, Kata ya Pasua Mjini Moshi.

Kundi B lina Kili Rangers, Mvuleni, Nazareth na Soweto. Kundi C lina TPC, New Generation FC, Best Maridadi FC na Moshi UTD. Kundi D limeundwa na Reli, Sango Kili FC na Boys United Katika kutangaza makundi hayo klabu ya Machava FC NA Polisi Kilimanjaro hazitashiriki.

Pia vifaa kwa ajili ya mashindano hayo vimtolewa kwa timu zote ikiwemo mipira na jezi.

Mwenyekiti wa Mashindano haya Mama Mshana amewataka wadau wa soka wilayani Moshi kujitokeza kwa wingi kushuhudia michuano ya kuinua vipaji wilayani humu.

Mkombozi Cup itatia nanga Julai 8 mwaka huu, na viwanja vya King George Memorial na Mandela vitatumika, kwa timu 16 kuchuana vikali kumpata Bingwa wa Mkombozi Cup 2013.

MAKUNDI YA MKOMBOZI CUP 2013 KATIKA JEDWALI

		MKOMBOZI CUP 2013
	KUNDI A	KUNDI B	KUNDI C	KUNDI D
1	KITAYOSCE	KILI RANGERS	TPC	RELI
2	GREEN STAR	MVULENI	NEW GENERATION	SANGO
3	NYUKI FC	NAZARETI	BEST MARIDADI	KILI FC
4	GOLANI FC	SOWETO FC	MOSHI UTP	BOYS UTD