Barclays Bank yaendesha droo yake ya kwanza ya Maisha Bomba na Barclays Golden Briefcase kwa wateja wake

Mkuu wa kitengo cha bidhaa Bwana.Samwel Mkuyu wa Barclays akionyesha mfuko wenye kura za wateja wa benki hiyo wakati wa kuchezesha bahati nasibu ya  benki hiyo ya Maisha Bomba na Barclays Golden Briefcase jana , katikati ni Tunu Kavishe Mkuu wa kitengo cha mawasiliano na kushoto ni Hamud Abdulahusein wa bodi ya michezo ya kubahatisha  Mteja wa benki ya Barclays Upendo John Lotuno akiokota moja ya kura za wateja wakati wa kuchezesha bahati nasibi hiyo jana kutoka kushoto ni Rahma Ngassa Meneja  wa kitengo cha masoko Humud Abdulahusein na Tunu Kavishe Mkuu wa kitengo cha mawasiliano.

Modibo Coulibaly mteja wa benki ya Barclays akimkabidhi Tunu Kavishe  moja ya kura za wateja wa benki hiyo ili kutangaza jina la mshindi wakati wa kuchezesha bahati nasibu ya Maisha Bomba na Barclays Golden Briefcase, kushoto ni Rahma Ngassa Meneja Masoko, wa pili kutoka kulia ni Mkuu wa kitengo cha bidhaa Bwana.Samwel Mkuyu na Humud Abdulahusein wa bodi ya michezo ya kubahatisha

………………………………………………………………

Barclays Tanzania jana imefanya droo yake ya  kwanza ya kampeni  ya Maisha Bomba na Barclays Golden Briefcase kwa wateja wake muhimu wa sasa na wale wanaolengwa kwabaadaye. 

 Barclays jana imewapata washindi wake wa mwezi wa kwanza katika draw iliyofanyika katika ofisi zake hapa jijini dar es salaam.

 Washindi hao 13 ni Erick Mahenge and Anna Erick Mahenge, Khalid and Taeko, Mr.Severin Rweba Celestin, Rashidi Saleh and Mr.Hemedi Ahmed, Mr.Saleh Koba Pili, Mrs.Sheika Nasosr Salim, Mr.Hamid Khamis Othman, Mr.Arnold Rodrick Shirima, Mr.Jamal AA and Mr.Kaushal HJ, Mr.Jack Fales Kamata, Mr.Emmanuel Bernard Tungu, Mr.Pankaj Singh and Mr.Abdallah Rashid Khamis.

 Akiongea na waandishi wa habari, Mkuu wa kitengo cha bidhaa Bwana.Samwel Mkuyu alisema, “Barclays ilizindua kampeni hii muhimu kwa wateja wao mwezi uliopita ambayo itawapa wateja wao muhimu fursa ya kujishindia zawadi mbalimbali kila mwezi kwa muda wa miezi mitatu (3)”. 

 Bwana  Mkuyu aliongeza na kusema kuwa “ukiweka pesa yako benki na ukaweza kubakisha salio lililokusudiwa wewe ukiwa kama mteja wetu wa sasa na hata yule mpya ataweza kuingia kwenye droo ambapo wateja 13 watajinyakulia zawadi mbalimbali na mshindi wa jumla atajinyakulia zawadi ya tshs millioni kumi (10,000,000 TZS)” mwisho wa kampeni. Promosheni  hii ilizinduliwa rasmi tarehe11th April 2013 na itaendelea mpaka 30th June 2013.

 Shindano hili liko wazi kwa wateja binafsi, wapya na wa zamani, ambao wanaweka fedha zao  na benki yetu hapa Tanzania. Wateja ambao watatakiwa kuingia katika promosheni hii ni wale tu wenye account ya hundi (Current Account) au amana (Savings), na wanatakiwa waongeze salio lao kwenye account kwa shillingi laki tano za kitanzania (500,000 tzs)au zaidi, na salio hili libakie kwenye account hadi mwisho wa mwezi bila kupungua, Kila ongezeko la shillingi Laki tano linampatia mteja ingizo la ziada katika katika droo ya mwezi husika.. 

 Zawadi kubwa ya shilling million kumi za Kitanzania (shs. 10,000,000) itatolewa mwisho wa kampeni. Zawadi zote zitawekwa kwenye Barclays Golden Briefcase ambapo kila mshindi atatakiwa kuchagua mojawapo kisha kuifungua ili kujua alichojishindia.  Zawadi zinazoshindaniwa kila mwezi ni  iPads 2, vocha 8 za maduka makubwa ya bidhaa zenye thamani ya shillingi laki 2 kila mmoja (TZS200, 000), mashine za kuoshea nguo 2, na home theatre 1.