AFARIKI DUNIA BAADA YA KUSUKUMWA HADI KUDONDOKA KUTOKA KWENYE LORI NA KUKANYAGWA NA GURUDUMU LA LORI MKOANI MOROGORO JANA

Mwili wa marehemu, Romanus Masige mkazi wa Kihonda Manispaa ya Morogoro ukiwa umelala chini katika barabara ya Old Dar es Salaam eneo la maktaba ya mkoa wa Morogoro baada ya kudaiwa kusukumwa na wenzake waliokuwa nao wamepakiwa nyuma ya lori wakati wakisafiri kutoka Kihonda kuelekea kituo kikuu cha polisi mjini hapa.

Shuhuda akieleza tukio zima lililotokea

Mwili wa marhemu Masige ukiwa umefunikwa kwenye eneo la tukio

Mwili wa marehemu ukipelekwa hospitalini kwa uchunguzi zaidi

Hili gali ndilo lililomkanyaga marehemu

Msamalia akimwaga mchanga kwenye damu ya mtu aliyekanygwa na gari .Picha na Jackson Audiface
.......................

Mashuhuda ambao walishuhudia tukio hilo walitudokeza kuwa nyuma ya lori hilo ilikuwa imebeba kokoto na abiria wawili na mara baada ya kufika eneo hilo alionekana moja wao akimsukuma marehemu aliyedondoka chini na gurudumu la nyuma lilimkanyaga na kupoteza maisha papo hapo huku mwenzake baada ya gari kusimama alichukua baiskeli na kutoweka eneo la tukio wakati dereva akijisalimisha kituo cha polisi.

"Alikanyagwa kichwani huyu marehemu na hilo lori baada ya kusukumwa na mwenzake na gari iliposimama alichukua baiskeli na kutoweka eneo hilo hatukuweza kuelewa nini kinaendelea". Kilisema Chanzo chetu.

Habari hizi kupitia blog hii iliendelea kudokezwa kuwa mkasa huo kwa marehemu huyo ulitokana na kitendo chake cha kupinga bosi wake kuuziwa kokoto hizo mara mbili jambo ambalo hakukubaliana nalo na kuwaona wahusika waliopeleka kokoto hizo kuwashuku kuwa ni wezi ndipo safari ya kuwapeleka kituo kikuu cha polisi na kabla hawajafika kituoni tukio hilo likatokea majira ya saa 10 jioni jana.

Marehemu Masige ni mkazi wa Kihonda akiwa ni mwenyeji wa mkoa wa Kigoma ambapo taarifa zilizotufikia punde zinasema kuwa mwili wa marehemu huyo utasafirishwa kwa ajili ya mazishi mkoani Kigoma.

 Masige alikuwa Mwalimu wa kwaya katika kanisa katoliki kigango cha kristo mfalme na mlinzi katika kanisa hilo.

Mungu ailaze mahala pema peponi Amina