Waziri wa Mazingira ofisi ya makamu wa Rais Bibi Terezya Huvisa afanya ziara ya kutembela baadhi ya viwanda na Hoteli za kitalii Jijini Dar es Salaam

Wazir wa Nchi Ofisi ya Makamu wa Rais Mazingira Dk Terezya Huvisa akionyeshwa Mfumo wa Maji Taka na Meneja Mazingira Bw Dominick Mariki wakati  Waziri alipofanya Ziara ya Kutembelea Kiwanda cha  Bia cha Serengeti Browarizi cha  Jijini Dar es Salaam ambacho Wananchi wanakilalamikia kinawamwagia Maji Machafu katika Mtaa wa Chamwenyewe Changmbe.

 Waziri wa Nchi Ofisi ya Makamu wa Rais Mazingira Terezya Huvisa akimsikiliza Operesheni Meneja wa Kiwanda cha Bia cha Serengeti Shekhor Mokosare, Waziri  alifanya  Ziara ya kukagua na kuangalia  Uchafuzi wa Mazingira  Unaoyanywa na Kiwanda cha Bia cha Sereneti cha Jijini Dar es Salaam

Waziri wa Nchi Ofisi ya Makamu wa Rais Mazingira Dk Terezya Huvisa akimsikiliza Bi Mwaka Washokela kuhusu Malalamiko ya Umwangaji wa  Maji Machafu ya  Kiwanda cha Bia cha Seregeti katika Mtaa wa Chamwenyewe, Changmbe Jijini Dar es Salaam.Picha na Ali Meja

-

Wito umetolewa na Waziri wa Mazingira ofisi ya makamu wa Rais Bibi Terezya Huvisa kwa wenye viwanda na Hoteli za kitalii kote nchini kuzingatia usafi wa mazingira sababu mazingira ni uhai. Alitoa rai hiyo wakati wa ziara yake iliyofanyika jijini Dar es Salaam kwa kutembelea baadhi ya viwanda na Hoteli za kitalii.

Viwanda alivyotembelea ni pamoja na Serengeti Brewerries ambapo iligundulika kwamba maji ya taka ya kwenye kiwanda yanatiririshwa kwenye mifereji ya nje ya kiwanda ambayo iko kwenye makazi ya watu . Hivyo bas wanaathiri waanchi wanaozunguka eneo hilo kwa harufu kali ya maji ya kiwandani. Waziri amewapa siku moja uongozi wa kiwanda hicho kurekebisha mara moja matatizo waliyokutwa nayo la sivyo hatua za kisheria zitachukuliwa dhidi ya kiwanda. 

Kiwanda kingine alichotembelea Waziri ni kiwanda cha kuchapisha maandishi kwenye fulana  na vipeperushi ambacho kinaitwa CI Group kilikutwa na makosa mabalimbali ikiwamo uchafu wa mazingira ya kiwanda kwa ujumla, mazingira wanayofanyia kazi wafanyakazi wa kiwanda ni machafu sana hivyo kupelekea afya zao  kuwa hatarini.  Hata hivyo wamiliki wa kiwanda hicho walikimbia baada ya kumuona Waziri na ujumbe wake wakiwasili. Bibi Huvisa ametoa agizo kwa watu wa NEMC kwenda kukifunga kiwanda hicho mara moja.

Waziri Huvisa pia alitembelea hotel mbalimbali ikiwamo Coco beach Hotel ambayo mazingira yake ni machafu na pia imejengwa kinyume na sheria ya mazingira ya mwaka 2004 ya kujenga mita sitini kutoka baharini. Waziri aliagiza Hotel  hiyo ifungwe . Hotel zingine ni Golden Tulip na Sea Cliff zote ziko maeneo ya Oysterbay ambapo wameagizwa kuwasilisha cheti cha mazingira kama hawana hatua za kisheria zitachukuliwa ikiwamo Hotel kufungwa. 

Mwisho Waziri amewataka wenye Hotel kutilia mkazo swala zima la kutibu maji.