BENKI YA NMB YACHANGIA MILIONI 30 KUFANIKISHA UZINDUZI WA MKOA WA KATAVI

Waziri Mkuu wa Jamhuri ya Muungano wa Tanzania Mh. Mizengo Pinda akipokea mfano wa hundi ya shilingi milioni 15 kutoka kwa Robert Pascal Mkuu wa Kitengo cha Kilimo benki ya NMB, kama mchango wa benki hiyo kwa ajili ya kununulia madawati ya shule za msingi katika mkoa huo, Ikiwa ni mchango wa benki hiyo katika maendeleo ya elimu Mkoani Katavi, ambao umezinduliwa rasmi na Makamu wa Rais Dkt. Mohamed Gharib Bilal kwenye viwanja vya Kashaulili mjini Mpanda, na kuhudhuriwa na wananchi wengi wa mkoa huo. Mbali na fedha hizo benki ya NMB pia imetoa kiasi cha shilingi milioni 15 zingine na vifaa vya michezo ikiwemo mipira na jezi kwa ajili ya timu za mpira wa miguu za mkoa wa Rukwa na Katavi kwa ajili ya kufanikisha mchezo wa mpira wa miguu kati ya timu hizo wakati wa uzinduzi katika mkoa huo , pamoja na maandalizi mengine ya shughuli za uzinduzi, jumla ya fedha iliyotolewa na Benki ya NMB ni shilingi milioni 30 za Kitanzania.Makamu wa Rais Dkt. Mohamed Gharib Bilal akizungumza na wafanyakazi wa benki ya NMB wakati alipotembelea banda la benki hiyo katika maonyesho yaliyofanyika wakati wa uzinduzi wa mkoa mpya wa Katavi mjini Mpanda.Makamu wa Rais Dkt. Mohamed Gharib Bilal (kushoto) akiteta jambo na Waziri Mkuu,Mh. Mizengo Pinda, wakati wa kutathmini mrejesho wa kongamano la Uwekezaji katika Ukanda wa Ziwa Tanganyika uliofanyika Oktoba 17 mwaka jana mjini Mpanda.
Mkuu wa mkoa wa Katavi Dkt Rajab Rutengwe akikaribisha wageni mbalimbali waliofika kwa ajili ya uzinduzi wa Kongamano hilo na Mkoa wa Katavi lililofanyika kwenye ukumbi wa Idara ya Maji Mjini Mpanda hivi karibuni.

Waziri Mkuu,Mh. Mizengo Pinda akimshukuru mama Domina Ferouz Mkuu wa Biashara kati ya benki ya NMB na Serikali, mara baada ya kupokea hundi hiyo wakati wa uzinduzi rasmi wa mkoa wa Katavi, katikati ni Lucrencia Makinya Meneja wa Kanda ya Nyanda za juu Kusini NMB.

Wananchi wakitembelea moja ya Banda ya wawekezaji wa kigeni wakati wa maonyesho hayo ya uzinduzi wa mkoa wa Katavi uliofanyika leo mjini Mpanda.

Mkuu wa Wilaya ya Mpanda Bw. Paza Mwamlima akitoa utaratibu wakati wa Kongamano la Tathmini ya Mkutano wa Uwekezaji Ukanda wa Ziwa Tanganyika lililofanyika sambamba na uzinduzi wa mkoa wa Katavi kuanzia juzi na kumalizika jana mjini Mpanda huku uzinduzi wa mkoa huo ukifanyika leo.

Baadhi ya maofisa mbalimbali wa Serikali waliohudhuria katika Kongamano hilo lililofanyika mjini Mpanda mkoa mpya wa Katavi.

Mabalozi kutoka nchi mbalimbali walihudhuria kongamano hilo zikiwemo Burundi, Misri Zambia, Japan na DRC Congo hapa wakifuatilia Mada katika kongamano hilo.
Mkuu wa mkoa wa Rukwa Injinia Stella Manyanya akikaribishwa na Lucrencia Makinya Meneja wa Kanda ya Nyanda za juu Kusini Benki ya NMB, katika chakula cha jioni kilichoandaliwa na benki ya NMB kwa ajili ya wakuu wa mikoa na wakuu wa wilaya kwenye hoteli ya Lyamba lya Mfipa mjini Mpanda

Wafanyakazi wa benki ya NMB wakijumuika katika picha ya pamoja mara baada ya kula Chakula cha jioni na wakuu wa Mikoa na wilaya kwenye hoteli ya Lyamba Lya Mfipa mjini Mpanda.

Maofisa mbalimbali wa benki ya NMB kutoka makao makuu , Mbeya na Mpanda wakiwa katika picha ya pamoja wakati benki hiyo ilipoandaa chakula cha jioni kwa wakuu wa Mikoa na Wilaya kwenye hoteli ya Lyamba Lya Mfipa mjini Mpanda jana