MAAFISA MAGEREZA WAHITIMU MAFUNZO YA UONGOZI WA MAGEREZA DARAJA LA PILI KATIKA CHUO CHA MAAFISA MAGEREZA UKONGA JIJINI DAR ES SALAAM

  Gwaride la wahitimu wa Mafunzo ya Uongozi wa Magereza Daraja la Pili wakipita mbele ya Jukwaa la Heshima kutoa heshima zao kwa mgeni rasmi, Waziri wa Mambo ya Ndani ya Nchi, Dk. Emmanuel Nchimbi.

Waziri wa Mambo ya Ndani ya Nchi, Dk. Emmanuel Nchimbi akikagua gwaride la Wahitimu wa Mafunzo ya Uongozi wa Magereza Daraja la Pili waliohitimu mafunzo yao katika Chuo cha Maafisa Magereza Ukonga jijini Dar es Salaam.

 Wahitimu wa Mafunzo ya Uongozi wa Magereza Daraja la Pili waliohitimu mafunzo yao katika Chuo cha Maafisa Magereza Ukonga jijini Dar es Salaam wakila kiapo cha utii kwa Rais na Amiri Jeshi Mkuu wa Majeshi ya Ulinzi na Usalama, Mhe. Jakaya Kikwete.

 Waziri wa Mambo ya Ndani ya Nchi, Dk. Emmanuel Nchimbi akimvisha Michael Mtimba Cheo cha Afisa Mkaguzi Msaidizi wa Jeshi la Magereza, baada ya kuhitimu kozi ya uongozi daraja la pili katika Chuo cha Maafisa Magereza Ukonga jijini Dar es Salaam

Kikundi cha ngoma kikitumbuiza katika Sherehe za kufunga Mafunzo ya Uongozi wa Magereza katika Chuo cha Maafisa Magereza Ukonga jijini Dar es Salaam.Picha Zote na Habari na Wizara ya Mambo ya Ndani ya Nchi

----

Maafisa Magereza 153 wa Jeshi la Magereza nchini leo wamehitimu mafunzo ya Uongozi wa Magereza Daraja la Pili katika Chuo cha Magereza, Ukonga jijini Dar es Salaam.  Sherehe hizo zilihudhuriwa na viongozi waandamizi wa Magereza na Vyombo vingine vya Ulinzi na Usalama ambapo Waziri wa Mambo ya Ndani ya Nchi, Dk. Emmanuel Nchimbi alikuwa mgeni rasmi. Kati ya wahitimu hao, wanaume ni 102 na 51 wanawake.