TANZANIA KUWA MWENYEJI WA KONGAMANO LA JUKWAA LA KUKUZA KILIMO AFRIKA (AGRA)

WAZIRI wa Kilimo, Chakula na Ushirika,  Christopher Chiza amesema kuwa Tanzania imekubali kuwa mwenyeji wa Jukwaa la Kukuza kilimo katika nchi za Afrika (AGRA), litakalofanyika kuanzia Septemba 26-28.

 

Akizungumza na wandishi wa habari jijini Dar es Salaam leo, Chiza alisema kongamano hilo litafanyika katika mji mdogo wa Ngurudoto, Arusha na kuhudhuriwa na viongozi wa Kimataifa litajadili sera ya mapinduzi ya kijani.

 

Alisema Jukwaa katika kongamano hilo, litajadili na kutafuta njia bora za kuboresha kilimo barani Afrika na kuwawezesha wakulima wadogo wadogo kwa kushirikiana na vyama vya ushirika pamoja na wadau wengine.

 

Chiza alibainisha kuwa mjadala huo utatoa njia bora za matumizi ya rasilimali na kukabiliana na changamoto zinazowakabili mamilioni ya wakulima katika bara la Afrika.

 

“Lengo kuu la serikali ni kuijenga Tanzania kuwa nchi ya kipato cha kati ifikapo mwaka 2025, kwa kiasi kikubwa na kukua kwa sekta ya kilimo” aliongeza Chiza.

 

Aidha, kongamano hilo litawakutanisha pamoja Wakuu wan chi za Afrika, mawaziri, kampuni binafsi za biashara, kilimo, Taasisi za kifedha na wakulima.

 

“Wakulima wadogo wadogo ni kitovu kwa yale tutayafanyayo”alisema Rais wa AGRA, Jane Karuku. “Mtazamo wetu ni wazi na wakuthibitika, kama sisi tukiwapatia wakulima wa Afrika dhana za kilimo wanazohitaji watakua zaidi na kuongeza kipato chao na watatuongoza katika kuelekea mafanikio mazuri.