Airtel Mzuka Promosheni kumzawadia mshindi wa milioni 50 wiki ijayo baada ya kujaza fomu‏

Mshindi wa shilingi milioni 50 wa promotion ya Mzuka wa Airtel Bw.Saimon Bernard Simo (katikati) akiweka saini kwenye fomu ya kudhibitisha malipo ya fedha hizo mbele ya Meneja Uhusiano wa Kampuni ya simu ya Airtel Bw.Jackson Mmbando (kulia) na Afisa mahusiano wa kampuni ya  Airtel Bi.Jane Matinde (kushoto) huko nyumbani  kwa mshindi huyo Gongo la Mboto. Airtel ilimtembelea mshindi huyo jana.
Mshindi wa kitita cha shilingi milioni 50 wa promotion ya Mzuka wa Airtel Bw.Saimon Bernard Simo (kushoto) akikabidhiwa fomu ya udhibitisho wa malipo ya fedha zake na Meneja Uhusiano wa Kampuni ya Airtel Bw.Jackosn Mmbando (kulia) huko nyumbani kwao Gongo la Mboto, baada ya kuibuka mshindi wa promotion hiyo ambayo inaendelea kwa wateja wa Kampuni ya Airtel Tanzania. Airtel ilimtembelea mshindi huyo jana.
Mama wa mshindi wa milioni 50 wa  shindano la mzuka wa Airtel, Bi Regina Saimon (kushoto) akielezea furaha yake kwa Afisa mahusiano wa kampuni ya simu za mkononi ya Airtel Tanzania Bi Jane Matinde (katikati) baada ya kupata taarifa ya kuwa mtoto wake, Bw Saimon Bernard Simo (kulia) amejishindia kitita cha shilingi milioni 50 kupitia shindano la Mzuka wa Airtel  ambalo linaendelea mpaka sasa kwa wateja wa Airtel. Airtel ilimtembelea mshindi huyo jana.

Afisa mahusiano wa  Kampuni ya Airtel Tanzania Bi. Jane Matinde (wa kwanza kushoto)  akiwakabidhi zawadi mbalimbali kutoka kampuni ya simu za mkononi  ya  Airtel familia ya mshindi wa shindano la Mzuka wa Airtel Bw.Saimon Bernard Simo (wa tatu toka kushoto)  huko nyumbani kwao Gongo la Mboto. Wa kwaza kulia ni dada ya Saimo Bi.Rose Bernard Simo na wa pili ni Bi Regina Saimon mama mzazi wa Saimoni.
Famila ya Bw Saimon Bernard Simo (wa tatu toka kushoto) wakifurahi huku wakikabidhiwa zawadi toka Airtel baada ya Afisa mahusiano wa Kampuni ya Airtel Bi. Jane Matinde (wa kwanza kulia) kuwapa hongera baada ya Saimon Beranrd Simo kuibuka mshindi wa shilingi milioni 50 wa shindano la Mzuka wa Airtel, wa kwanza kushoto ni dada ya Saimo Bi.Rose Bernard Simo na wa pili ni Bi Regina Saimon mama mzazi wa Saimoni. Airtel ilimtembelea mshindi huyo jana.

---

Mwendesha bodaboda ameibuka mshindi wa milioni 50 za promosheni ya Mzuka wa Airtel, promosheni inayoendeshwa na Kampuni ya simu za mkononi ya Airtel. Airtel imemzawadia mshindi wa droo ya kwanza ya promosheni ya Mzuka wa Airtel milioni 50 katika droo iliyochezwa  wiki iliyopita kisha mwendesha bodaboda bwana Simon Bernard Simo Mkazi wa Mkuranga aliibuka kuwa mshindi wa promosheni hiyo iliyoanza mwanzoni mwa mwezi Desemba mwaka jana.

Akiongea wakati wa kusaini fomu ya malipo yake mwendesha bodaboda huyo Bwana Simon Bernard Simo alisema amefurahi kuwa mshindi wa milioni 50, na kwamba hakuamini kuchaguliwa kuwa mshindi. Bw. Simon ambaye pia mbali ya kuwa mwendesha bodaboda anafanya biashara zingine ikiwemo kuuza mafuta ya petroli na kuonyesha  mpira wa ligi ya England katika eneo analoishi huko Mkuranga, “nimefarijika kupata kitita hiki cha milioni 50 ambazo nitazitumia katika kupanua na kuendeleza biashara zangu ili kuweza kuongeza mapato na kuweza kusaidia familia yangu” alisema Bw. Simon Berard mshindi wa milioni 50 za Mzuka wa Airtel.

Aidha mama wa mshindi huyo Regina Simon alisema hakuwai kutegemea kuwa mwanae anaweza kuja kupata bahati ya kumiliki  mamilioni ya fedha  na kudai ana imani Simon akishapata fedha hizo zitawasaidia familia na kuinua hali ya maisha yao.

Akionge kwa niaba ya Airtel Meneja Uhusiano wa Airtel Bw. Jackson Mmbando alisema “ni kwa mara ya kwanza kampuni yetu ya Airtel tumeamua kuchukua uamuzi wakumtembelea mshindi huyu nyumbani kwake kwani tangu tulipompa amekuwa akionyesha hali ya kutoamini kwamba anaweza kuibuka mshindi wa mamilioni haya kwa hali hii tumeamua kuanzia sasa tutakuwa tukiwatembelea wateja wetu ambao ni washindi wa zawadi kubwa za promosheni zetu ili kila mtanzania aamini juu ya ushindi wao na pia kuwashauri watumie zawadi zao vizuri ili kufaidika kuwa familia ya Airtel ambayo kwa sasa imekuwa na kufikia wateja milioni 50 Afrika nzima ”Tunachukua nafasi hii kuwakumbusha wateja wetu ambao bado hawajajiunga promosheni ya MZUKA ambayo ni bure  kufanya hivyo na kuweza kupata nafasi ya kuibuka kuwa washindi wa zawadi mbalimbali zikiwemo Simu za mkononi aina ya Samsung, muda wa maongezi au pesa taslimu zenye thamani ya shilingi milioni 50 kila mwisho wa mwezi" Aliongeza Mmbando.

Promosheni ya Mzuka wa Airtel inaendelea mpaka mwishoni mwa mwezi wa pili, wateja wetu wote wajiunge na kushiriki ni  rahisi kujiunga na ni bure tuma neno Mzuka kwenda namba 15565 na uwe mmoja kati ya washindi wa zawadi mbalimbali, kadri unavyo recharge na kutumia simu yako ndivyo unavyojiongezea nafasi ya kushinda zaidi