CHADEMA YASHANGAA SERIKALI KUMTETEA CHENGE KUHUSU KASHFA YA RADA!

Katibu Mkuu wa chama cha demokrasia na maendeleo CHADEMA, DKT. WILBROAD SLAA, amesema amesikitishwa na hatua ya Serikali kudai kuwa haina ushahidi juu ya kuhusika kwa aliyekuwa mwanasheria mkuu wa Serikali, ANDREW CHENGE, katika ununuzi wa Rada.

DKT. SLAA, amedai kuwa Chama hicho kitapinga jitihada zozote za kuzimwa kwa sakata la watuhumiwa waliohusika katika ununuzi huo kufuatia kuwepo kwa nyaraka zinazoonyesha kuhusika kwa Mwanasheria huyo.
Amesema kitendo cha Serikali kudai kuwa haina ushahidi juu ya kuhusika kwa Mwanasheria huyo ni sawa na kulipotosha bunge pamoja na umma kwa ujumla kufuatia kuwepo kwa nyaraka zinazoonyesha kuhusika kwake katika sakata la hilo.