UPDATE FROM THE UNIVERSITY OF DODOMA

 

 

The University Of Dodoma

 

Update No 1:

Kuna habari kuwa wanafunzi waliogoma na kuandamana baadhi yao waliripotiwa kuwa kabla ya kutimuliwa walikuwa wamekwenda mjini dodoma kuchukua mafuta ya petroli ili kuja kulipua majengo ya chuo kikuu kwa lengo la kuitia hasara serikali iliyokijenga kwa mabilioni ya fedha.(Prof.Kikula)

 Update No 2: 

Wanafunzi 36 wa shahada ya kwanza ya sayansi ya hesabu (BSc. Mathematics) waliokataa kwa kuandika barua kushiriki katika mgomo na maandamano hayo licha ya kulazimishwa na wenzao:Kamati ya Utendaji ya Baraza la uongozi la chuo imeamua hao waendelee na masomo yao.

Update No 3:

Kuhusu wanafunzi 24 wanaodaiwa kuwa vinara wa maandamano kutoka SNM ambao wanadaiwa kuongoza mgomo wa kuingia darasani na kuwalazimisha wanafunzi wenzao wajiunge na mgomo na maandamano hayo:"Hatma yao itaamuliwa baada ya uchunguzi wa kina wa mamlaka ya nidhamu ya UDOM."(Prof.Kikula)

Update No 4:

Baraza la uongozi la UDOM limekubaliana na pendekezo la kuwarejesha wanafunzi wa mwaka wa pili wa shahada ya kwanza ya uhusiano wa kimataifa (IR) waliofukuzwa Juni 14 lakini baada ya uchunguzi dhidi yao.

Update No 5:

Wanafunzi wa mwaka wa kwanza na wa pili ambao hawataonekana na makosa pia wataruhusiwa kurejea chuoni katika siku itakayotangazwa baada ya mamlaka ya nidhamu ya Udom kuwachunguza na kuwabaini wale ambao hawakuhusika katika maandamano hayo.(Prof.Kikula,Juni 22,2011)

Update No 6:

Wanafunzi wa mwaka wa tatu wa shahada ya kwanza watarejeshwa chuoni kwa ajili ya kufanya mitihani yao katika siku itakayotangazwa baada ya mamlaka ya nidhamu kufanya uchunguzi wa kina dhidi yao.(Prof.Kikula,Juni 22,2011)