ROTA KANARA AIBUKA MSHINDI WA FREESTYLE MOROGORO

Ni kijana wa makamo hivi ambaye alionyesha kipaji cha kufreestyle kwa kiwango cha juu kabisa,anaitwa Rota Flavian Komba ndiye aliyeibuka kinara wa msimu wa dhahabu wa unaoendelea na Serengeti Fiesta Freestyle 2011 ndani ya mji wa Morogoro jioni ya jana.Kufuatia ushindi huo Rotas atakwenda jijini Dar kupambana na vinara wengine kutoka mikoa mingine katika mpango mzima wa kutimiza kilele cha msimu wa dhahabu na Serengeti Fiesta 2011 ndani ya jiji la Dar,itakayofanyika hapo baadaye.

Mmoja wa washiriki aitwaye Abhou akionyesha uwezo wake wa kughani mbele ya mashabiki kibao (hawapo pichani) waliojotokeza jioni hii kwenye shindano la kumsaka mkali wa msimu wa dhahabu unaoendelea na serengeti fiesta freestyle 2011,ndani ya club ya Four Stars,Morogoro

Mwanadada mwingine aitwaye Khadija nae akionesha umahiri wake wa kushuka mitindo huru vilivyo Jana jioni,yote hii ni katika mchakato mzima wa kumsaka mkali wa msimu wa dhahabu unaoendelea na Serengeti fiesta freestyle 2011,mjini Morogoro

Mwanadada akiamsha asha jioni hii kwenye shindano la kumsaka mkali wa msimu wa dhahabu unaoendelea na Serengeti Fiesta Freestyle 2011,ndani ya ukumbi wa Club ya Four Stars,Mjini Morogoro.Shindano bado linaendelea mpaka sasa na washiriki wapatao 44 wamejitokeza kuonyesha vipaji vyao ya kughani.

Mratibu wa Serengeti Fiesta Freestyle, ambaye ni mtangazaji wa Clouds Fm 88.4 jijini Dar akieleza utaratibu mzima kwa washiriki namna ya kushiriki na mambo mengine jioni hii ndani ya ukumbi wa Club ya Four Stars mjini Morogoro.

Kwa pamoja wakilianzisha.

Jaji wa shindano la Serengeti fiesta freestyle 20011 ndani ya mji wa Morogoro,Chief Rhamson a.k.a Zavara akifafanua jambo kwa Dj Fetty kabla ya mchakato mzima kuanza jioni ya jana 

Majaji wa shindano la Serengeti Fiesta Freestyle 2011,Zavara pamoja na Skwiza wakijadiliana jambo wakati shindano bado likiwa linaendelea ndani ya ukumbi wa club ya Four Stars,ndani ya mji wa Morogoro.

Pichani majaji wa shindano la Serengeti fiesta freestyle 2011,wakifuatilia kwa makini namna washiriki wanavyoonyesha vipaji vyao vya kughani,huku wakiwa wamezungukwa na mashabiki kibao,Pichani kulia ni Msanii wa muziki wa kizazi kipya a.k.a Bongofleva aitwaye Skwiza,Mkongwe na mmoja wa waanzilishi wa hip hop Bongo,Chief Rhamson a.k.a Zavara ambaye aliwahi kuwika kwenye kundi la Kwanza Unit pamoja na Mtangazaji wa Clouds FM ambaye pia ni Mratibu mkuu wa shindano hilo Fatma Hassan a.k.a Dj Fetty.

Baadhi ya wakazi wa Morogoro wakifuatilia shindano la Serengeti Fiesta Freestyle 2011 jioni ya jana ndani ya ukumbi wa club ya Four Stars,mjini Morogro.

Pichani ni Vijana wa Morogoro,kushoto ni Goligota pamoja na Ras Q wakionesha umahiri wao wa kubato katika mtindo huru,wakichuana vikali jioni ya jana katika mchakato mzima wa kumpata mkali wa msimu wa dhahabu unaoendelea na Serengeti Fiesta Freestyle 2011,ndani ya mji wa Morogoro.

 Pichani kulia ni Rota akishusha mistari yake katika mtindo huru mbele ya hasimu wake Hanstar,katika mtindo ule wa Kubato,wakiwa katika hatua ya mwisho a.k.a fainali,kwamba atakayeshinda ndiye kinara wa msimu wa dhahabu wa unaoendelea na Serengeti Fiesta Freestyle 2011 ndani ya mji wa Morogoro jioni ya leo.

Pichani ni Washiriki Wanne kati ya washiriki 44 walioingia nusu fainali katika suala zima la kumsaka mkali wa msimu wa Dhahabu na Serengeti Fiesta Freestyle 2011,kutoka kulia ni Rotas,Slim,Ras Q pamoja na Hanstar.

Baadhi ya wakazi wa mji wa Morogoro wakiwa wamejitokeza jioni ya jana kwenye shindano la kumsaka mkali wa msimu wa dhahabu unaoendelea na Serengeti Fiesta Freestyle 2011,linalofanyika jioni hii ndani ya ukumbi wa Club ya Four Stars,Mjini Morogoro.