T.P. MAZEMBE YATOA DOZI KWA SIMBA NYUMBANI

Timu ya Simba ya Dar es Salaam, leo jioni hii imeshindwa kuutumia vyema uwanja wa nyumbani, baada ya kutandikwa mabao 3-2 na timu ya T.P. mazembe kutoka Kongo katika mchezo wa Ligi ya Mabingwa wa Afrika, uliochezwa kwenye Uwanja wa Taifa jijini.

Kwa hatua hiyo sasa Simba itaungana na watani wake wa Jadi Yanga, waliotoka mapema katika Ligi hiyo wakati walipotoka sare ya mabao 4-4 katika mchezo uliochezwa hapa nyumbani kwenye Uwanja wa Taifa na katika mchezo wa marudiano uliochezwa Ethiopia, ambapo Yanga ilifungwa na kuaga michuano hiyo.

Kama ilivyo kawaida yake kipa huyu pindi timu yake inapofunga goli, hapa ni Robert Kidiaba kipa wa T.p. Mazembe akishangilia kwa staili  yake baada ya timu yake kupata bao la pili dhidi ya Simba.  

Beki wa TP Mazembe Stopila Sunzu (kushoto) akipambana na mshambuliaji wa Simba Emmanuel Okwi, timu hizo zilipomenyana leo kwenye Uwanja wa taifa, Dar es Salaam, Simba imefungwa mabao 3-2

Shabiki wa Simba akilalamika baada ya timu hiyo kufungwa

Picha Na Sufiani/Chachandu Daily