KILI MUSIC AWARD LEO NANI KUIBUKA NA TUZO?

Na Mwandishi Wetu
Jukwaa la Ukumbi  maarufu wa Diamond  Jubilee uliopo Upanga  jijini Dar es Salaam linatarajiwa ‘kuwaka moto‘ leo kwa shoo kali za wasanii waalikwa wakati  tukio la utolewaji wa Tuzo  za Kili 2010/11 litakapochukua nafasi.

Habari kutoka kwa  waandaaji wa  ‘event’  hiyo ‘zinashoo’ kuwa licha ya kuwepo kwa burudani za wasanii nyota wa muziki wa Kizazi Kipya wa ndani  na nje ya Bongo, kivutio kikubwa kitakuwa kwenye  ‘kategori’ ya Prodyuza Bora wa mwaka kutokana  na wakali waliopangwa kuwania tuzo hiyo.

Miongoni mwa wakali hao ni mshindi wa mwaka  jana Lamar Niekamp  ‘Lamar’ (pichani) (R113), Marco Chali (R116), Man Water (R 115), Bob Junior (R106) na Pancho Latino (R121) ambao wanatajwa kuleta homa kali kwa  mashabiki wanaopiga kura  kusaka mshindi.

Kwa kuwa muda bado upo, unachotakiwa kufanya ni kuendelea kupiga kura kwa unayeona anastahili ili kumfanya aibuke mshindi kwa kuandika ujumbe mfupi ukianza na neno Kili halafu namba yake ya  ushiriki kisha tuma  kwenda namba 15747.