RAISI JAKAYA KIKWETE AIPA POLE FAMILIA YA MAREHEMU SHEKHE KASSIM MTOPEA

 Rais Dr.Jakaya Mrisho Kikwete akisalimiana na baadhi ya watoto baada ya kuifariji familia ya marehemu Shekhe Kassim Mtopea nyumbani kwake Temeke jijini Dar es Salaam leo mchana.Marehemu Shekhe Mtopea alifariki jana asubuhi(5/2/2011) baada ya kusumbuliwa na maradhi ya Kisukari na shinikizo la damu

 

Raisi Jakaya Kikwete akiwa kna Wafiwa Nyumbani Kwa Marehemu Shekhe Kassim Mtopea Mchana Wa Leo

 Rais Dr.Jakaya Mrisho Kikwete akiifariji familia ya Marehemu Shekhe Kassim Mtopea aliyefariki jana nyumbani kwake Temeke, jijini Dar es Salaam baada ya kusumbuliwa na maradhi ya kisukari na shinikizo la damu. Rais Kikwete alifuatana na mkewe Mama Salma Kikwete. Marehemu Shekhe Mtopea alikuwa kada wa Chama Cha Mapinduzi CCM na tangu mwaka 2002 hadi 2007 alichaguliwa kushika nafasi mbalimbali za uongozi zikiwemo,Mjumbe wa Kamati ya Siasa kata ya Azimio,Mjumbe wa Halmashauri kuu ya CCM wilaya ya Temeke na Mjumbe wa Mkutano Mkuu wa Taifa.Marehemu ameacha mjane mmoja watoto kumi na mbili na wajukuu ishirini na moja.

Rais Dr.Jakaya Mrisho Kikwete akizungumza na kuwafariji waombolezaji na ndugu wa Marehemu Shekhe Kassim Mtopea wakati a lipokwenda nyumbani kwa Marehemu Temeke jijini Dar es Salaam kutoa pole kwa familia na ndugu leo mchana.Picha na Freddy Maro-IKULU