JK aongoza mahusiano kati ya Tanzania na Hospitali za Apollo

Mahusiano kati ya Tanzania na India yalianza miaka mingi iliyopita, tangu kipindi hicho mahusiano haya yamekua kufikia mafanikio ya hali ya juu kwa nchi zote mbili.  Rais Jakaya Kikwete alitembelea nchini India ambapo alikutana na maafisa mbali mbali wa Serikali hiyo ya India pamoja na maafisa watendaji wakuu wa makampuni pamoja na  taasisi mbali mbali.  Pia wakati wa ziara hii Rais alisaini makubaliano ya kushirikiana kati ya serikali ya Tanzania na Hospitali za Apollo nchini India.

Wakati wa ziara hii ya kitaifa Rais Jakaya Kikwete nchini India iliyofanyika tarehe 17 hadi 21 June 2015, Rais aliambatana na ujumbe wa ngazi za juu ikiwa ni pamoja na mawaziri na maafisa waandamizi wa India.  Rais alifanya mazungumzo ya kina na Waziri Mkuu wa India Bwana Narendra Modi ambapo Rais aliishukuru India kwa misaada endelevu kwa Tanzania na kusema kuwa nchi zote zimeamua kuendeleza mahusiano zaidi.

Kihistoria Tanzania na India zimeendelea kufurahia mahusiano ya kirafiki yaliyojikita katika kufaidisha pande zote kibiashara na mawasiliano baina ya watu na watu.  India ni mdau mkubwa wa biashara Tanzania ambapo biashara baina ya nchi hizi mbili mnamo 2013-14 umekuwa wa zaidi ya dola za Kimarekani bilioni 4. Mbali na mahusiano haya ya kibiashara, India pia ni kimbilio la watanzania  wanao tafuta huduma za kiafya za hali ya juu pamoja na elimu.

Umoja wa Hospitali za Apollo una hazina kubwa ya ushirikiano na watu wa Tanzania.  Hospitali zimetoa matibabu kwa watanzania kwa miaka kadhaa.  Madaktari bingwa wa Hospitali za Apollo wamekuwa wakitembelea Tanzania mara kwa mara kwa ajili ya kutoa ujuzi wao wa kimatibabu kwa wagonjwa wa ndani ya nchi.  Madaktari bingwa wa Apollo pia wametoa mafunzo kwa madaktari wa Tanzania pamoja na wauguzi miaka michache iliyopita. Hii imewawezesha wafanyakazi wa hapa nchini kuchukua nafasi za kiufundi, muhimu na za usimamizi katika jamii.

Rais alitembelea wagonjwa waliolazwa katika Hospitali za Apollo ambapo alipata nafasi ya kuonana na madaktari bingwa pia kuonana na familia za wagonjwa waliolazwa katika Hospital hiyo. Rais alipewa taarifa ya hali za wagonjwa na maendeleo ya matibabu wanayoendelea kupatiwa.  Kutokana na uhaba wa huduma bora za kimatibabu kwa gharama nafuu, watanzania wengi wanalazimika kusafiri nje ya nchi kwa matibabu. Hii huwasababishia wagonjwa kupata matibabu ya kina wakiwa mbali na msaada wa familia, ndugu na marafiki.

Wakati wa ziara yake Mheshimiwa Jakaya Kikwete alisaini mkataba wa mahusiano na Hospitali za Apollo na shirika la mfuko wa jamii la Tanzania NSSF.  Kliniki itaanzishwa miezi michache ikifuatiwa na Hospital nchini Tanzania. Hii itawasaidia watanzania kupata huduma ndani ya nchi itakayo wawezesha wananchi kupata huduma maalumu pasipo kutumia gharama kubwa ya kusafiri nje ya nchi.  Hii pia itasaidia kuboresha huduma za kiafya kwa kutoa mafunzo zaidi kwa wataalamu wa afya wa ndani ya nchi.

Kuhusu Apollo

Mnamo mwaka 1983, Dkt. Prathap C Reddy, mbunifu wa afya nchini India, alianzisha hospitali ya kwanza ya ushirika nchini India, Apollo Hospitals Chennai. Kwa miaka mingi, Hospitali za Apollo zimeweza kukuwa kufikia kuwa moja ya shirika kubwa la afya barani Asia likiwa na uwezo wa zaidi ya vitanda 8,500 ndani ya Hospitali 50, zaidi ya maduka 1350 ya dawa na zaidi ya  kliniki za uchunguzi 100.  Pia Hospitali za Apollo  hutoa huduma za matibabu kwa utaratibu  wa kibiashara, huduma za bima za afya na kitengo cha tafiti za kitabibu kwa lengo la kufanya tafiti za magonjwa ya milipuko, seli shina za mwili na maumbile.  Kuendeleza vipaji ili kumudu hitaji linaloongezeka katika  utoaji wa huduma za hali ya juu, Hospitali za Apollo zina jumla ya vyuo 11 vya madaktari pamoja na wauguzi. Mafanikio haya yamezifaidisha Hospitali za Apollo kupata tuzo mbali mbali, ikiwa ni pamoja na tuzo ya kituo bora iliyotolewa na serikali ya India pamoja na kutambulika na tume ya pamoja ya kimataifa (Hospitali saba za Apollo zinatambuliwa na kutunukiwa na tume ya pamoja ya kimataifa). Katika heshima nadra, serikali ya India ilitoa mhuli wa kumbukumbu wa kuutambua mchango wa Hospitali za Apollo, ikiwa ni shirika la kwanza la afya kupata heshima hiyo.  Mwenyekiti wa Hospitali za Apollo Dkt. Prathap C Reddy, alitunukiwa tuzo ya heshima ya ‘Padma Vibhushan’ mnamo mwaka 2010. Ushirika wa Hospitali za Apollo kwa zaidi ya miaka 50, umeendelea kuboresha uongozi katika uvumbuzi wa kitabibu, huduma za kliniki za kimataifa na maendeleo ya teknologia.  Hospitali zetu zimekuwa katika nafasi ya juu kimataifa katika huduma za kitabibu pamoja na utafiti.